|
[mark=#33853c]في حق ام البنين (ع)[/mark]
[frame="9 80"] يالـعـنـدك آلام- - - من جـور الأيـام لأم البنين انخاها- - - وكت الشدد تلگاها ماتظـل منـظـام- - - من جـور الأيـام ياهو هم اچبير عنده و الوكت دوهن افكـاره اوياهو مضنوك ابزمانه اوقلل العوز اصطباره اوياهو من المرض يشكي والشفه مل انتظاره لأم البنيـن ابلهفتهـ- - -همن عدها يطلب حاجتها والباري يسمع دعوته- - -حاله يتغيـر مسـاره جربـهـا فـديــوم- - -يلعـنـدك اهـمــوم وشوف الكرامه العندها- - -الله الـذي امأيـدهـا اتحققـلـك احــلام- - -مـن جـور الايــام __________________ حره ياحره المثلها من نسـب طيـب اهلهـا ومن علي اخذت تجارب والصفات الطيبه كلها بالكرامه الباري خصها عالي عند الله محلهـا بالعطا ماتبخـل ابـد- - -ولا تخلف الواحد وعد ام البنيـن ام الشـدد- - -المشكله هـي تحلهـا ماتبـخـل الـجـو- - -دوفـايـه الـوعـود بالكرم فايض چفهـا- - 0-شنگول من نوصفها واشتملـي الاقــلام- - -مـن جـور الايــام __________________ اشبولها امن الاسد حيدر مامثلها يصح لبـوه رضعتهم وفه اوغيره ابكل نفس زرعت النخوه كل اخو احزام الاأخيه اتكلهم اوبالشـده تچوه لحسين رادتهم ذخـر- - -ابساحة جهاده والنصر اوياهم ترف رايه بدر- - -اجبال لو شافتها تهوه ابـسـوح المنـايـا- - -قـدمـت ضـحـايـا ابدور اربعه نذرتهـ- - -مابحب فاطمه ضحتهـم نصـروا لـلاسـلام- - -مـن جـور الايــام هاي هيه ام البنين اوهاي حكمتها اوصبرهـا امكرمه او مهيوبه صارت عالي عند الله قدرها ابخدمة الزهره او ولدها جاهدت نذرت عمرها لحسين لمن ودعتـه- - -قربان قدمتله اخوتـه ايعود الها سالم رادته- - -بعد ماشافه نظرهـا متلهـفـه العـيـن- - -تبچي علـى حسيـن ظلت عليه بالحسـره- - -سالم يـرد تنتظـره بـس ردت ايـتـام- - -مـن جـور الايـام __________________ اليوم بفراش المنيـه وعينهـا للمـوت شبحـت وصفرة الموت ابوجهها امن الحزن والهم توضحت اشلون تغمض هالجفون امن البواچي اللي تجرحت رادت ولدها الاربعـه ابهيبه النعشها اتشيعه وعمر المآسي اتودعه ودعت هـذا عمرهـا ولا ولدها اجوا يمهـا [/frame] |
[mark=#7d53bd] في حق ام البنين (ع)[/mark] [frame="9 90"] بوصيتي خـل اوصيكـم - - - ابحليبي اومرضعي اعليكم لحسيـن اربعـه نـذري - - -واضحي الفاطمه عمـري آنه ام البنين الحرّه تدرونـي - - -امكم من نسب طيب تعرفونـي كل واحد ضوه ويضوي لعيوني - - -اذا درب الشهاده طرّز اجفوني لبـوكـم وقـعـت عـهـدي - - -ابـد مـا اخلـف ابـوعـدي عاهـدتـه گبــل يــدري - - -واضحـي الفاطمـه عمـري __________________ قرّيت العهد مـن ادخلـت داره - - -ابمضيف التضحيه مبنيه اسراره لوّن عرس الشهاده أشر انذاره - - -احط ابدوري گدامه ابدرب ناره اريـد المجـد مــن بـعـدي - - -واعبـرّ عـن صـدق وعـدي ابتعـب ايـامـي وبصـبـري - - -واضحـي الفاطمـه عـمـري تدرّعت الصبر لمن كشفلي الحال - - -ابوكم رادكـم اشعـاع للأجيـال قبلة شمس رادا ومضرب الامثال - - -تتحقق ابدمكـم زهـرة الآمـال ديــن الـبـاري يتـشـيـد - - -واسمـكـم عـلـم يتـخـلـد يفجـعـنـي ولــودهــري - - -واضحـي الفاطمـه عـمـري تكنيني ابأسـم ويـلادي ياحيـدر - - -اريد ابهالصفه ملبوسي بالمظهـر ولاحزن الحسن وحسين الي يظهر - - -على امهم فاطمه والعيش يتكـدر ابـذكـر الطـاهـره الـحــرّه - - -عليـهـم تكـثـر الـحـسـره ودمعـهـم غـالـي لويـجـري - - -واضحـي الفاطـمـه عـمـري عقدت الرايه من حيدر بسم عبـاس - - -وهديه انطيته درعه والصبر والباس اريدن زينب ابظلك ماتحني الـراس - - -اذا عن نصرت المظلوم قصرت ناس تـجـول ابسيـفـك اوعـزمــك - - -وتگرا عـيـونـهـا الأمــــك يــراضــع بـالــوفــه درّي - - -واضـحـي الفاطـمـه عـمـري من الخيم چفك للنهـر مـده - - -واملي الجود يامن للأخو زنده اريـد ابـرايـة الايـمـان - - -يبـنـي تنفـجـر بـركـان واطـرّ ابعـزتـك فـجـري - - -واضحـي الفاطمـه عمـري لگر اعيونچ ابحملاتي وبسيفي - - -وبيوم الزعل اكرم لعد ضيفـي واجول ابكربله جولاتها ابكيفي - - -واخذ من صناديد الحرب حيفي ايشوفونـي علـي الـكـرار - - -واخلـي ابكـل وكـت تذكـار جسر لحسيـن امـد نحـري - - -واضحـي الفاطمـه عمـري |
في حق ام البنين (ع)
[mark=#919160]
في حق ام البنين (ع) [/mark] [frame="9 70"] بس تنخاها بس تنخاها - - -حرّه اوماتبخل يمناهـا انخاها اوجرّب فد مرّه - - -ام عباس الهيبه الحرّه گلبك لابد والله اتسره - - -كرّمها الباري اوعلاها __________________ كرمها البـاري اوأيدّهـا - - - شبان اللي كرمت يدهـا چم شاره ام عباس العده - - - اشافتها الناس اوشفناهـا __________________ شفنه المعجز منها واكثر - - - اطلـب منهـا ماتتعـذر متخليك الحـره امحيـر - - - مافشلت واحـد ناداهـا __________________ ناديها يالطحت ابشـده - - - واليطلب خايب متـرده اقسم بيها باللي اتعبده - - - لو عله ابجمسك عافاها __________________ بالمعبـود اتوسـل بيهـا - - -وللحاجه اطلب من راعيها اشگد ناس الحره امجربيه - - -امتقصـر مـن تترجاهـا __________________ اربع شبـان الضحت هـم - - - طيبه اوللزهره كرمتهـم اينصرون حسين ابخوتهم - - - بس لحسين اتهل عيناها [/frame] |
في حق مسلم بن عقيل (ع)
[mark=#c73434] في حق مسلم بن عقيل (ع)[/mark]
[frame="9 90"] مسلم للكوفه راح ابهمته مسلم يصلح وضعها الأمه - - -الحسين ناذره دمه مسلم للكوفه راح ابهمته مسلم __________________ مسلم ايمثل حسيـن ابهالمهمـه الهاشميـه قلده حسين السفـاره وهالسفـاره احمديـه راح ينقذهم امن الشر اللي طغت بيه آل أُميه وحسين لمـن كلفـه- - - ابهاي المهمه ايشرفه عنده الهدف و المعرفه- - - ابهالشجاعه الحيدريه صدّر منصب سفير ايعينه صدّر اول سفير ايقدمه - - -لحسين ناذر دمه مسلم للكوفه راح ابهمته مسلم __________________ مسلم اويه حسين عهده امن الوطن وياه تعنّه بطل صنديد اوفراسه اوبالحرب ينخاف منـه عالم اوزاهد اوعابد بالفقـه يـروون عنّـه عنده اجتهاد اومعرفه- - -من عمه ماخذله صفه متثني ضربة مرهفه- - -والمصاعب مالونّـه فارس من عمه عنده هالصفه فارس والموت لاميهمه - - -لحسين ناذر دمه مسلم للكوفه راح ابهمته مسلم __________________ من علي مسلم ورثها كل صفاة الطيبه عنده مايساوم مايخادع ينصر الحق چان جهـده ويه الحسين المسيره بالنظال اوهذا وعـده لحسين مسلم طاوعه- - -وقدم الصورة الناصعه وللكوفه لمن ودعـه- - -مسلم اليوفيه ابعهـده واصل مسلم مسيره ابهالفكر واصل فكر الاصلاح ايعمه- - - لحسين ناذر دمـه مسلم للكوفه راح ابهمته مسلم __________________ راد بالكوفه الضماير تصحه وتراجع وضعها والطريق الرشد تسلك راد تخلص من بدعها وتلتزم نهج القيوم الدين لتبيعـه ابطمعهـا ابدرب المهالك لاتزل- - -وتسير بدروب العدل وتعاهد ابگول اوفعل- - -والغدر ميظل طبعها حيدر من گبل هيه غدرته حيدر للشمل راد ايلمه- - -لحسين ناذر دمه مسلم للكوفه راح ابهمته مسلم __________________ بعدما للكوفه يوصل نكثت الكوفه ابعهدها بايعت هيه اليزيد وخانت ابلحظه وعدها مسلم المصلح اجاها مااجه للكوفه ضدها بس وصل ليها اتواكحت - - -- - - سيوف اورماح اتسلحت كل الدلالـه اتوضحـت - - - للظلالـه تمـد يـدهـا يدها بالغدر هيه املوثه يدها بيد الطغاة اتسلمه- - - لحسين ناذر دمه مسلم للكوفه راح ابهمته مسلم [/frame] |
[mark=#d197cd]في حق مسلم (ع)[/mark] [frame="9 80"] راية الاصلاح مسلم رايته - - - أنشد الكوفه عليمن غدرته انشد الكوفه اوجميع اقطابها- - -من بعد هالظلم لمن صابها كلها وقعت عالعهد بكتابهـا- - -للحسين العهد هـذا نكثتـه __________________ من بعـد ماصابهـم ذل اوهـوان- - -لامساوات اوعـدل لاظـل امـان وصار بس بحسين يلهج كل لسان- - -يجي يخلصهم امن الـذل رادتـه __________________ صار آلاف الكتب بعثوا إلـه- - -وگالوا أقدم اي يبن عقد الوله وبعث مسلم بالسفاره ايمثلـه- - -وطاع أمر حسين راح ابهمته _________________ وصل للكوفه يريد الها الصـلاح- - -مثل عمه البطل حي اعله الفـلاح راد يصلح شهروا ابوجهه السلاح- - -وكـل قبايلهـا وعدهـا نكرتـه __________________ نكرته المسلم وباعتهـا الذمـم- - -اعقول عفنه وكل ضمايرها عدم بالغدر جازته ومنهم مـا سلـم- - -وبالحبل بالكوفه جـروا جثتـه __________________ اول مصيبه على حسين التمـر- - -من رموا جثة سفيره امن القصر انفج گلب حسين من هذا الأمـر- - -وصار برض الطف يخيّم نيتـه [/frame] |
[mark=#c26161]
في حق عابس (رض) [/mark] [frame="9 80"] عابس فدائي اسمع ندائي حُسين حُسين حُسين صرخه من افق المباديء تعتلي اتهز المسامع عابس اوجون اوبرير الرفضوا الكل المنافـع صرخه بسم حسين تدوي هالشبيبه الكل تدافع لوحه رسموا للصمود اوللفـداء او للروائـع حب كربلائي اسمع ندائي حُسين حُسين حُسين __________________ عابس المامثله عابس لايجي واحـد مثالـه ناصر حسين ابثورته كافح ابساحة نظالـه = گلبه اولسانه اوضميره وضحّن طيبة خصاله مارجف گلبه اوتهاون بالشجاعه اوبالبساله انزع ردائي اسمع ندائي حُسين حُسين حُسين ___________________ ساحة الموت التريده ايجاهد ويحمـل وسامـه يفني عمره ويفني روحه سالم ايظل بس إمامه حب الحسين الوسيلـه جننـه وهـذا كلامـه حب الحسين الجنون وحب الحسين السلامـه تشهد سمائي اسمع ندائي حُسين حُسين حُسين __________________ عابس ايشاهد حبيب اوبيده رايه الهالمهمه للخيم راح اويهزهـا و المنايـه ماتهمـه طمئنت گلب العقيله رايته اليحميهـا دمـه للخدر سور احنه گلها والعدو مايدنه منـه بسمك لوائي اسمع ندائي حُسين حُسين حُسين __________________ احنه انصار المبادي احنه انصار العقيده بينه ماواحد تردد حتى لو ينحـز وريـده نرفض الدرب المذله انجاهد او للعز نريده ويه الحسين ابكفاحه واليمسه نگطع ايده ارخص دمائي اسمع ندائي حسين حسين حسين _____________________ عبّدوا درب الكرامه عالي عند الله قدرهم ابكربله شاهد مجدهم اتخلد اوباقي اثرهم كربله بيهم تفاخر اصبحت تاج المجدهـم يلهج السان الخلود الهالوكت يلهج بسمهم الجنه جزائي اسمع ندائي حسين حسين حسين [/frame] |
[mark=#2159e8]في حق الانصار (ع) [/mark]
[frame="9 80"] يزينب رغد نامي الليله نخيمچ - - -انصار اشتروا بالروح لبن امچ زينب من اجت لحسين نيتهـا- - -على الرايه تنشده اليمه غايتها إلمن ليش مطويه اعله حالتها- - -گاللها الحبيب الرايـه ليهـمچ __________________ ليهمچ يزينب عندي هـاي انصـار- - -ابساحات الوغه ايصيرون نور اونار محروسه ابعزمهم يختي هاي الـدار- - -انصـاري اسـود ورابضـه يمـج __________________ يـمچ هالأنصـار وگري لعيـونچ- - -حبيب اوعابس اوجون اليحرسونچ يزينب بالدمه ايضحون مـن دونچ- - -وابو فاضل اخوچ اعيونه التظمچ __________________ عندي انصار الله اختارهم لليوم- - -يزينب ماتلاويهم اسيوف الگوم گلبچ لايظل يابت علي مهمـوم- - -وانتي اتهابچ العدوان من اسمچ يختي هاي إلي انصار معروفين- - -اليوث امجربه يازينب اتشوفين مارادوا الدنيه لجل اخوچ حسين- - -واسمعي هالهتاف المنهم ايطمنچ __________________ هتف بيهم حبيب اورايتـه بيـده- - -نضحي لبواليمه اوسالم انريـده واحدنه الحرب عنده الحرب عيده- - -حبيب آنه يزينب هـذا اليكلـمچ [/frame] |
[mark=#5ca355]
في حق الانصار (ع) [/mark] [frame="9 80"] هاي الك انصار وتضحي الدمه- - -وشوفهم يحسين يوم الغانمـه شوف مصباح الصبح يحسين شوف- - -ارماح هاي انصارك اتصير اوسيوف بالمصارع ابـد ماتعـرف الخـوف- - -اليوث واعله الحرب كلهـا امعلمـه - - - اليوث هاي انصارك ابيوم المصير- - -سور من نار اولهب باچر تصيـر لجلك اتضحي وعلى نهجك تسير- - -ايسطرون اتشوف اعظم ملحمـه - - - مسلم اوعابس الك نذروا ارواح- - -اصدورهم عنك تصد طعن الرماح اوياك يحسين ابنهضتك للصلاح- - -عنـك ايـردون شـر الآثمـه - - - عنك أيردون شر أهـل الكفـر- - -للمجد رادوه اوعزموا عالنصر على عمرك اخذ نادوك العمـر- - -وترضه رادوا بس عليهم فاطمه - - - صاحوا ابفد صوت كل احنه - - - فداءعالعهد انصـارك اتلبـي النـداء انضحي گبلك تشهد اعلينه السماء- - -ارجال احنه ارجال برض الموزمه أرجال ماينحـب مثلهـم هالدهـر- - - رسموا ابسوح الحرب أعظم صّور سحگوا ادروب المنايا و الخطـر - - -وفازوا اويه حسين حُسن الخاتمه [/frame] |
[mark=#de5454]في حق العباس (ع[/mark]
[frame="9 80"] اچبود ذوّبها العطش گوم خويه الجود هذا اورايتك جيب ماي العيلتك اچبود ذوّبها العطش گوم __________________ زينب ابذاكه صبرها ابـذيچ عزتهـا اوحذرهـا اتعاين اطفال اوحراير امن العطش فگدت صبرها تلتهب جمـرة ظماهـم المـن اتوجـه نظرهـا العباس زينـب نظرتـه - - -اخت اولخوهـا اتعنتـه ابحال الاطفـال اوكلمتـه- - -امن الظمه اتلاهب جمرها هم شفتلك طفل مهمـوم- - -خـــــويـــــه همـه تـروي مهجتـه- - -العطـش غيّـر حالتـه اچبود ذوّبها العطش گوم __________________ خويه يبن ام البنين اليومارد انخـاك نخـوه ادري يبن الاسد ادري شبل والجابتـك لبـوه لچن هاي اطفال عاين امن الظمه عالگاع تهوه ترضه الطفل يجري الدمع- - -ترضه يلـوب اليرتضـع عباس انظـر هالوضـع- - -تريد ماي اومنّـه تـروه ياهو يروي اظماهم اليوم- - -خـــــويـــــه كفـو غيـرك مالكيـت- - -وآنـه يمـك هالأجيـت اچبود ذوّبها العطش گوم __________________ ادري متهاب المنايا اومن علي عباس عزمك وانته خويه للشدايد والمحن ذاخرتـك امـك وصتك بيّه اوگالت ضحي لختك يبني دمـك وانته يسبع الگنطـره- - -عندك شجاعة حيـدره گلب اختك ياهو ايصبره- - -حايره اشلون اظل يمك لاتگلي النهـر ملـزوم- - -خــــويـــــه بيـك ادري ماتـهـاب- - -فارس اوتطوي الصعاب اچبود ذوّبها العطش گوم __________________ يعباس الأمـل بيـك اوانتـه لعيالـك املهـا مثل ابوك الفحل حيدر كل مصاعبنـه تحلهـا هاي صعبه اعلينه صارت والكفو ماغيرك الها عبـاس ياراعـي العـزم- - -امن النهر شتت هالزلـم ترضاهـا اختـك تنهظـم- - -اگبالـك الدمعـه تهلهـا اطرد امن المشرعه الگوم- - -خـــــويـــــه ومثّلـه الحيـدر ابـوك- - -فـرح اعيالـه الأخـوك اچبود ذوّبها العطش گوم __________________ سمع زينـب اخوهـا اورايتـه هزهـا ابيمينـه گال شنهو الماي اجيبه وحمرّت امن الزعل عينه وحگ ضلع امچ اجيبه وترتوي امن الظمه اسكينه شوفـي يابـت فاطـمـه- - -العسكـر اخـوچ ايحطمـه الميـدان اغـرگه بالدمـه- - -وينـه اليبارزنـي وينـه گالتله عندك من علي اعلوم- - -خـــــويــــــه والمثـل بيـك انـضـرب- - -يـبـن چتــال الـعـرب اچبود ذوّبها العطش گوم __________________ والنعم من هالشجاعه گمرهـا شـم لختـه وفـه طشر الذيچ الكتايب للجمـع بـس وحـده كفـه لن عذر تنصاب عينه وينگطع من زنـده چفـه عـالـنـهـر صـــــارت طـيـحـتــه گطــعـــوا يــســـاره اويـمـنـتــه زيــنـــب بــعـــد مـاشـافــتــه وصاح اخوها حسين ظهري انكسر ياعباس وسفه [/frame] |
[mark=#9b47cc]في رثاء العباس (ع)[/mark] [frame="9 80"] عباس سبع الگنطـره- - -من نزل صاحوا حيدره __________________ مو عباس صاحوا هذا چن حيدر خيل اوبالجثـث خلاهـا تتعثـر يوم اعليهم السواه يوم اگشـر مثل يوم القيامه شافوا المنظـر جيشه اليزيد ايدمره- - - عباس سبع الگنطره __________________ مثلك يااخو الجسدهـا للخـوّه يالعندك شهامه وعندك امروّه جازيته لخوك اونخوتك نخـوه والزينب صرت يابالفضل تچوه مهيوبه بيك امحذره- - - عباس سبع الگنطره __________________ يسبع الگنطره تشهد بطولاتك مثل حيدر علي متثني ضرباتك ومثله من تكرّ بالحرب كرّاتك ظلت كربله تفخر ابصولاتـك چم فارس انته اتحيره- - - عباس سبع الگنطره __________________ كل سيـاف يجفـل لمـن اتنظـره ابشجاعة حيدره من حلمه من صبره يالراضـع وفـه والرّبتـك حــرّه هيـه نذرتـك عبـاس للـزهـره امك ابيه اوطاهـره- - - عباس سبع الگنطره __________________ ياأم المثل امك وفـه عدهـا كريمه والكرم هوه اليمجدها شبان اربعه اللي تكرم ابيدها ومن مثلك يوافي لليواعدها لأخته يضحي ابمنحره- - -عباس سبع الگنطره [/frame] |
| الساعة الآن »01:27 AM. |