|
من جديد الملايه((ام حسين)) تقرا مولد الامام المهدي ...هنا في المنتدى
بسم الله الرحمن الرحيم اللهم صل على النبي واله طق طق طق فتحوا الباب انا الملايه بسرعه رجولي تكسرت احس رجولي ما ادري هي الي شايلتني او انا الي شايلتها ...والله اتوقعها الثانيه شنو اسوي جيت مشي من البيت ....ما اقول الا حسبي الله عليك ياكومار (اسم سواقي ) رايح من العصر حق الاحتفالات مصدق حاله كانه يدري شنو صاير اصلا.....لكن شنو نقول هندي . المهم خلوني استريح شوي ماني قادره عطوني كاس ماي - شربت او اذا عندكم عصير سنتوب ابو طابع انا احبه هذا جيبوا منه .... كان احصل على الطابع الاخير حق المسابقه . يالله الحمد لله رجعت الطاقه .. الحين الواحد يعرف يتكلم راح اقول لكم عشر محاضرات .........امزح ادري تبوني اخلص بسرعه علشان قرقيعان لا يخلص انا اعرفكم تحصل كل وحده حاطه في شنطتها اربع اكياس اذا مو خمسه......تقول خايفه تصير عندنا مجاعه . يا الله خلاص مو كاني عطيتكم وجه يا الله انتبهوا معاي واسمعوا المحاضره ....لا يخلص القرقيعان احم احم يالله محاضرتنا اليوم ياحبايب راح تكون عن الحجاب والعبايه يا الله يا حبيباتي قولوا لي شنو اخبار العبايه معاكم وشنو اخباركم معاها وشنو اخباركم مع بعض ... ها ........ انخشوا البنات اكيد راح تنخشون والله قهر شنو صاير في هالدنيا الاول الوحده تروح تشتري عبايه وترجع في نفس اليوم واليوم تقعد لها شهر وهي تختار لها موديل .......تقول راح تشتري لها ثوب عرسها وحده تبي عباية الفراشه ووحده تبي عباية الطاوس ووحده عباية النمله وما ادري شنو ويوم رايحه تختار التصميم ويوم رايحه تختار الالوان ويوم حق الكرستال والتطريز ......واخيرا تمت الولاده بحمد الله لكن للاسف طلعت العبايه مشوهه بدل ما تكون العبايه تستر صارت تفضح .......... لا وياريتها على العبايه بس تعالوا شوفوا ذاك الحجاب الي وجوده مثل عدمه الشعر لازم يطلع شوي .......... ما ادري تهويه او شنو ما ادري وذيك النفخه الي يحطونها البنات هاليومين .......... تقول كان طايحه عليها طابوقه وهي طالعه من البيت وتمشي في الشارع بهذا المنظر.......... لا وتقهرني ذيك البنت الي معصبه تقول ان الرجال يغازلونها اكيد يا قلبي هذا راح يصير علشان كذا الله امرنا ان نلبس الي يسترنا ونبتعد عن الي يلفت النظر لنا....... طبعا لا يصدق حاله الرجال ويقول يالله ما احد قالها ما تتغطى عدل ...لا .. ترى عذاب الله راح يكون حق الاثنين حق الي ما تتستر عدل وحق الي يغازل بعد ..ايه لا تفرحون وايد . وانتي يالبنت تبين تتبعين الموضه اتبعيها ما راح نقولك شي لكن بشرط انها ما تكون على حساب دينك وتغضبين الله والنبي واله عليك... علشان موضه ... يالله يا بنات علشان خاطر الامام المهدي -عج- من اليوم ورايح ما نبي هالاشياء ... زين ...... ايه ........ اكيد راح تقولون ايه انتوا شيعة الزهراء -ع- ......... عساني اقرا في اعراسكم ان شاء الله ( انتهت المحاضره) يالله خلونا نقرا المولد قبل لا تخلص الاحتفالات اللهم صل على محمد وال محمد اللهم صل على محمد وال محمد قالت السيّدة حكيمة ـ بنت الإمام الجواد وأخت الإمام الهادي وعمّة الإمام العسكري ( عليهم السلام ) ـ : دخلت يوماً على أبي محمّد ( عليه السلام ) ، فقال يا عمّة بيتي عندنا الليلة ، فإنّ الله سيظهر الخلف فيها ) ، قلت : وممّن ؟ قال من نرجس )، قلت : فلست أرى بنرجس حملاً ؟ قال يا عمّة إنّ مثلها كمثل أم موسى لم يظهر حملها بها إلاّ وقت ولادتها ) ، فبتّ أنا وهي في بيت ، فلمّا انتصف الليل صلّيت أنا وهي صلاة الليل ، فقلت في نفسي : قد قرب الفجر ولم يظهر ما قال أبو محمّد ، فناداني أبو محمّد ( عليه السلام ) من الحجرة لا تعجلي ). فرجعت إلى البيت خجلة ، فاستقبلتني نرجس وهي ترتعد ، فضممتها إلى صدري ، وقرأت عليها قل هو الله أحد ، وإنا أنزلناه ، وآية الكرسي ، فأجابني الخلف من بطنها يقرأ كقراءتي ، قالت : وما هي الا لحظات واذا البيت اشرق بنور الامام المهدي . الف الصلاة والسلام عليك يا حبيب الله محمد صلوات صلوا على محمد وعلي بن ابي طالب صلوات صلوا على النبي في النصف من شعبانْ .... نور الهدى قد بانْ حلّت بنا الأفراحْ .... وزالتِ الأحزانْ **** في مولد المهدي ..... أهلَ العبا نُهدي أحلى تهانينا ....... بالورد والرّيحانْ **** نهنّئُ الرّسولْ....والبِضعةَ البتولْ وحيدرَ الكرّارْ.....مَنْ للهدى عُنوانْ **** نهنئُ السّبطينْ.....حسنًا والحسينْ وسائرَ الأطهارْ.....في النصف من شعب **** في ظلِّ دولتِهِ........وبفيضِ حكمتِهِ العدلُ ينتشرُ.......ويُدحرُ الطغيانْ **** قُلوبُ شيعتِهِ......تهفُو لِطلعتِهِ عَجِّلْ أيا موعودْ ..... وقتُ اللقا قدْ حانْ خدوا خدوا حلاوه اليوم جبت عشر اكياس حلاوه علشان لا تقولون الملايه ما عطتنى ناصفه وجبت لكم بسكوت وعلوش وشبس ....لا الشبس حقي انا .. تبون ... اذا تبون ما يغلى عليكم .... روحوا البقاله واشتروا لكم . ايه صح نسيت اقول لكم لا تنسون اعمال الليله تراها ليله عظيمه اذا فاتتكم راح تخسرون مو تقعدون بس احتفالات .... حدكم الساعه 12 ان شفت واحد في الشارع الا ..... اخذ كل القرقيعان الي عنده ... ايه .. لا تقولون ما قلت لكم ولا تنسون تقديم هدايا حق امام زماننا انا راح اقدم 1- صلوات على النبي واله 2- وازور الامام الحسين –ع- نيابه عن الامام الحجه –عج- 3- وصدقه باسم الامام الحجه لتعجيل فرجه . وانتوا شنو راح تقدمون حق الامام -عج – بسرعه قولوا او ما راح اطلعكم حتى تقولون وخلي القرقيعان يروح عليكم .. ترى هذا المنقذ هذا امام زماننا هذا الي الكل ينتظر طلعته ....ها....... قررتون يا الله قوموا لا تخلص الاحتفالات ويروح علينا القرقيعان الله يعيني الحيين باروح مشي....... لكن ما عليه يا كومار انا اوريك المصيبه انه ما يدري شنو صاير هذا الي قاهرني قلبا فيه مهدي مايسع ثاني .....جوالي جوالي ...مين كومار .... يالله ماما اطلع بسرعه هذا احتفال واجد كويس اذا انت في تاخير انا يروح ...لا لا انا يطلع الحين ...لا يروح كومار ..... يا الله مع السلامه مع السلامه لا يروح سواقي ..........انا ابي اعرف الحين هو الي يشتغل عندي او انا الي اشتغل عنده يالله مع السلامه تحياتي (( الملايه ام حسين )) . |
اللهم صلى على محمد وآل محمد وعجل فرجهم واللعن عدوهم . نصف الشهر غاب القمر لن القمر خجلان والمنتظر نوره يشع وينور الأكوان كل عام وأنتم بخير |
الف الصلاة والسلام عليك يا حبيب الله محمد صلوات
صلوا على محمد وعلي بن ابي طالب صلوات صلوا على النبي شكرا ملايتنا الغالية مولد رائع وخصوص المحاضرة بس ياريت تعرفينا عن مراسم القريقعان ترى مو الكل يعرفه يابا صالح المهدي ادركنا صلوات الله عليك |
بسم الله الرحمن الرحيم
اللهم صلي على محمد وال محمد وعجل فرجهم. http://www.mezan.net/forum/g10/monasabat/7.gif |
| الساعة الآن »03:30 AM. |