|
قصيدة لكل الموالين
بسم الله الرحمن الرحيم اللهم صلي على محمد وال محمد وعجل فرجهم اعتذر من الجكيع اني حذفت بالخطاْ قصيدة للسيّد عدنان ولكن قبل مسحها قمت بنسخها تحسبا اذا حصل خطاْ ما واليكم القصيدة : بسمه تعالى سلام عليكم اسئل الله لكم ولنا القبول بمايرض الله ورسوله ص في خدمة ال بيت محمد ص -- -- عتاب الى سيدي ومولاي امير المؤمنين عليه السلام واطلب العذر منه لانه في قلوبنا جمرة لاتخمد الى بظهور قائم ال محمد ص ليطالب بثار امه الزهراء عليها السلام -- طريقة -- الحگ يبونه ياعلي والخيام حرگوها -- -- -- وشلون ترضه ياعلي لمّ الحسن هضموها ماهيجك كسر الضلع بالباب من عصروها -- يابا الحسن وشصبرك لاذت الزهره ابابك وشلون داسوا يافحل اهل الرديه اعتابك ونته الذي ابسوح الوغى حتى المنيه اتهابك وسفه يحيدر فاطمه بوجودك ايبچوها -- بوجودك اتهل الدمع يابا الحسن ترضاها ومايوم بوجود النبي الزهره بچت عيناها مو عندك اوديعه النبي ام الحسن خلاها وشگال گلبك ياعلي من اسمعت سطروها -- يالبحر جودك مانشف يالتكرم انته الضيفك چتال ابن ود ياعلي ومرحب شطرته ابسيفك للزهره ماندري شعجب ماگمت تاخذ حيفك وباب البدارك ياعلي اتعاينها من حرگوها -- يابطل صفين الذي جندلت كل فرسانها ابطال منك تنخرس يعگد الموت السانها يمجفّل اگلوب الكفر تشهد انسها وجانها بگرابه سيفك ظل صدگ وام الحسن ظلموها -- يا نبأ عمه وهل اتى ياطور سيناء او بره يالچفك ايرد الشمس ياداحي باب الخيبره اهتز العرش لمّ الحسن گلبك مندري اشصبره وتشوفهم لهل الرده ابكسر الضلع جازوها -- بگرابه سيفك مارجف ماصاح ماحشم الك ياعلي سيفك لورجف بالغمد يندار الفلك ماواحد ابوجهك وگف چم فارس ابسيفك هلك متگلي شنهو الصبرك دارك فلا هابوها -- سيد عدنان الحمامي |
بسمه تعالى
سلام عليكم شكرا لكم على جهودكم في خدمة محمد وال محمد ص حماكم ربي |
شكا سيد عدنان من فضل الله ثم فضلكم
|
بسم الله الرحمن الرحيم
بوركت اخي تربة كربلا لنقل القصيدة للشاعر المبدع الكبير السيد عدنان الحمامي اخوكم الشاعر ابو محسد |
اهلا وسهلا اخ ابو محسد وشكرا لك على المرور
|
| الساعة الآن »04:07 AM. |