|
-- وفاة الامام الجواد ع ----- يالكاظم دمعتك خلها هماله
بسمه تعالى سلام عليكم بما انه سلام الله عليه دفن بجوار الامام الكاظم عليه السلام فكانت هذه الفكره والقصيده من وزن -- التجليبه --- -- - -- يالكاظم دمعتك خلها هماله اتلگاه للجواد وعاين الحاله -- يالكاظم ادموعك خل تهل اليوم وبحرگة گلب عاللي گضه مسموم والبس للحزن سوده المصابه اهدوم واگعد لو ردت يالكاظم اگباله -- اگباله تگعد ونشده شنو الاسباب وبعينك تشاهد چبده بالسم ذاب ماتنفع ملامه ولايفيد اعتاب سم النال چبدك چبده هم ناله -- اتلگاه للجواد او ياهظم عنده ابكظم أجاك ومنگطع چبده شوف الياسبب والياجرم نشده بالسم هالخصم ياوسفه يغتاله -- يغتاله عليمن سولف انته اوياه هم مثلك قساوه راوته دنياه مثل ماتنغدر هذا الغدر يدناه يالكاظم ومثلك غيبوا اهلاله -- اهلاله غاب وانصب للحزن مأتم يالكاظم ومنكم ياچبد يسلم لو بالسيف لو بالينچتل بالسم لو من الذبح ماتسلم اطفاله -- ابهذا الحال واحكم بعد واحد بني اميه وظلمهم للوكت شاهد الجرايمهم كلمن يطلّع رايد ينشد كربله اعله حسين واعياله --- ورثوها البني العباس اعاديكم أخذوا من بني أميه الظلم ليكم كلها اتجمعت بحقادها اعليكم ومنهم للجواد اليوم چتاله -- سموه للجواد ومن گبل سموك يالكاظم وچم عام ابسجن خلوك بالسم غدرته هالوادم الغدروك ودلالك تفطر مثل دلاله -- سيد عدنان الحمامي |
بسمه تعالى
اللهم صل على محمد واله الجميع ماجورين وفاة امامنا الجواد صلوات الله عليه اقتباس:
نعم ارث متوارث للحقد الى يوم الدين ولكن عجل الله ظهور مولانا صلوات الله عليه ليملئها قسطا وعدلا كما ملئت ظلما وجورا ماجورين سيد عدنان |
| الساعة الآن »03:30 AM. |