منتديات موقع الميزان - اشرف خدمة ...... يا حسين

بسم الله الرحمن الرحيم
اللهم صلي على محمد وال محمد

زور أحسين وبسمه أتسمه000لجلي ولجلك ضحى أبدمه
وفيله أبمشروع الخدمة
0000000000000000
افهم شنهو أحسين وخدمه 0000هالخدمه أعظم مشــــروع
وابمشروع الخدمة الجنة 0000 مضمونه أبقطرات أدموع
مضمون أحسين بإبعاده 0000 أدرك قيمه هالموضـــــوع
اجمع دمعه ولطمه وزوره 0000 تطلع ناجح بالمجمـــوع
اقسملك بضلوع الزهرة 0000 من أتخدمه عظم أمـــــــره
يوم احسابك مايتبره
0000000000000000
ردة فعلك عن يوم ألطف 0000 ترجمها أبدمعات العيــــن
ومن تلطم تعبير لحزنك 0000 باجر يوفيلك هالديــــــن
روحك توجها أبها لخدمه 0000 ونورها ابنشروع أحسين
هاي الخدمة يوم المحشر 0000 تصبلك موقف بعديــــــن
من توكف تاليها ابمحشر 0000 وأهناك القرآن أيخبرك
هاك الجنة ثمرة أجرك
000000000000000000
احضر كل مأتم واعيونـــك 0000 خليها أبدمعه تتوضــــــــه
واذكر دم أحسين وطفلــــه 0000 واذكر مأساته أبكل نبضــــه
وأتصور من قبل نحـــــره 0000 سيف الطاغي ابذيج أللحظـــه
واعرف معنى يوم العاشر 0000 شنهي امن اطويريج ألركضــــه
واسم بدموعك آلامــــــــه 0000 لوعة أخته وحرك اخيامــــــه
وفاي أحسين لخدامه

000000000000000

حاول إن ترسم فد صــــــوره 0000 جنك يوم ألطف أتحضـــره
مادامك بحسين اتآمـــــــــــــن 0000 ياموقف توكف واتنصــره
انته اختار وهاي لساحــــــــة 0000 من تتعنه لباب الحضـــرة
تسمع صوت يجبجي الصخرة 0000 يصدر من مأتم للزهـــــرة
والحيمل راية هالخدمـــــــــه 0000 يم الزهرة يثبت اسمـــــه
ويفوز أبتقديس أليمه
000000000000000
كل مجلس لحسين أتحضره 0000 وأتشارك بثياب السود
أدرك فدصاله أبكل مأتــم 0000 لابد والمهدي موجـــود
والزهرة جنها اتراوينــــــه 0000 اجفوف ورايه راعي الجود
وابهاي الجفين أيدعــــــــــي 00000 بظهوره المهدي الموعود
وايدعي ابعيدالله ونحـــــــــره 0000 ويطالبنه أبدمنه انصره
ونكصدله أبرايات الثورة
الشاعرحسين الحسيني