--- وين عازم عالسفر يحسين وين ------ للمسير -
 

بسمه تعالى

سلام عليكم

عظم الله اجوركم واجورنا بمصاب ابي عبد الله الحسين عليه السلام ومشاطرة امه الزهراء

عليها افضل الصلاة والسلام في هذه الواقعه الاليمه في احزانها ومواساتها

--

--

--

وين عازم عالسفر يحسين وين -- روح ودع فاطمه بدمع وأنين

--

روح لمّك فاطمه قبل المسير -- وگلها هم أوداعچ بگلبي چبير

وأدري يمّه علم عندچ باليصير -- لاچن الله يمُ حسين هوه المعين

--

وين رايح گاطع ادروب السفر -- اشلون لوبيك الدهر خان وغدر

ياحسين اهناك چن ارض القدر -- اي وحگ ضلع أمك وذاك الجنين

--

بچت عين الكعبه لوداعك تهل -- شافتك يحسين رايد ترتحل

تدري ماشي خطر دربك مو سهل -- شلون لو لرض الوطن عاد الحنين

--

تعتمر رايد وتظعن بالظعن -- مو خواتك لو مشن يتروعن

ياحسين او بالدرب يتصدعن -- فوگ ظيم الوكت واحزان السنين

--

روح يم جدك ابدمعك ودعه -- ونتّك يحسين اگعد سمعّه

وخبره ياجد للظلم مابايعه -- ولا أ مد للذله ياجد الادين

----

سولف الجدك محمد بالتريد -- خبره أرد أعلن جهادي ضد يزيد

لو يكلفني يجد دم الوريد -- ودم اخوتي او تنذبح كل البنين

--
سيد عدنان الحمامي

بِسْمِ اللهِ الرَّحْمنِ الرَّحِيمِ

اللهم صل على محمد وآل محمد وعجل فرجهم والعن أعدائهم
اللهُمَّ الْعَنْ أوّلَ ظالِم ظَلَمَ حَقَّ مُحَمَّد وَآلِ مُحَمَّد ، وَآخِرَ تَابِع لَهُ عَلَى ذلِكَ ، اللهُمَّ الْعَنِ العِصابَةَ الَّتِي جاهَدَتِ الْحُسَيْنَ عَلَيْهِ السَّلام وَشايَعَتْ وَبايَعَتْ وَتابَعَتْ عَلَى قَتْلِهِ. اللهُمَّ الْعَنْهم جَميعاً

اقتباس:

سولف الجدك محمد بالتريد -- خبره أرد أعلن جهادي ضد يزيد لو يكلفني يجد دم الوريد -- ودم اخوتي او تنذبح كل البنين

السلام على من نهض لاصلاح امة جده صلوات الله عليهم

لاعدمنا عطاؤكم سيدنا سيد عدنان وكان في ميزان اعمالكم يوم لاينفع مال ولابنون
عظم الله اجوركم

--

بسم الله الرحمن الرحيم
اللهم صل على محمد وآل محمد وعجل فرجهم

احسنتم سيدنا عدنان الحمامي
ووفقكم الله لكل خير..

عظم الله لكم اﻻجر
وطيب الله انفاسكم الولائية
قصيدة روعة احسنتم