|
مصابك آآآآآآآآآه مصباك
مصابك آه مصابك يبني
عرسك يل قاسم شيبني شاب كليبي وشاب الراس ورباي الراح ودولبني عرسك يل قاسم شيبني جنت وياي وشمعة بيتي ونده يبني ياجسام محتاجة الماي وتسكيني وراسك فوك ذراعي ينام انت الحلم البيك انه احلم يل متحزمه بيك حزام وبهل لحظه انظر جسمك ملعب صاير للظلام ماظلموا جاسم ظلموني لنهم طفوا نور عيوني ومشي الجسمك واحلف يبني عرسك يل قاسم شيبني حمل البيك انه تحملته تسع شهور وياهن عشره وتنسى ارباي البي ربيتك يوليدي وكل ذيج الفتره احلفلك بسم الله وبيته وجدك حيدر واسم الزهره لا ايوب اكثر من صبري ويعقوب انه اكثر من صبره يعلم يعقوب ابنه يرجع وانه بعيني شفت المصرع ونده بعدك شيصبرني عرسك يل قاسم شيبني يبني وكل ما صارت زفه اذكر عرسك واجري الدمعه والحنه بداري مسويتها وضلوعي اني اعلكهن شمعه مبروك اسمع كرت عينج صوت وكل الجازي يسمعه فرحانه وبابك دكيته يبني وبابك غير طبعه افتح بابك وتلكاني يوليدي امك لاتنساني هجرك يوليدي يذوبني وعرسك يل قاسم شيبني يبني وجن اسمع ها صوتك امي يكول وياها عتاب لو مرت زفه ذكريني يمي جان حسابي حساب ملبس كل اصحابي ملبس مو مثلي ملبس نشاب ولاحنتهم مثلي حنه ولاصبحتهم بيها صواب ذكريني يمي ذكريني وادري بكل زفه تشوفيني وفكدي تكولين مذوبني وعرسك يل قاسم شيبني تحنيت انته ونعم الحنه يوليدي وحنتك معروفه منهو المثلك خضب شعره مو بالحنه بدم جفوفه ومنهو المثلك ضحه بروحه وراد الموت وعرسه يعوفه وختار الموت على الدنيا وناصر عمه وعاف الحوفه مبروك وانعم الزفه مثلك يبني منهو الوفه لاجن فكدك هو الهمني وعرسك يل قاسم شيبني بقلم الامين الظالمي |
اللهُمَّ الْعَنْ أوّلَ ظالِم ظَلَمَ حَقَّ مُحَمَّد وَآلِ مُحَمَّد ، وَآخِرَ تَابِع لَهُ عَلَى ذلِكَ ، اللهُمَّ الْعَنِ العِصابَةَ الَّتِي جاهَدَتِ الْحُسَيْنَ عَلَيْهِ السَّلام وَشايَعَتْ وَبايَعَتْ وَتابَعَتْ عَلَى قَتْلِهِ. اللهُمَّ الْعَنْهم جَميعاً
اقتباس:
سلمت يمينك اخي الامين الف تحية وشكر واجرك على القاسم عليه السلام |
الاخت جارية
اجرنا واجركم على الله وسبط المصطفى عليهم صلوات الله اجمعين |
عظم الله لكم الاجر والثواب
|
| الساعة الآن »05:35 PM. |