|
---- متت طفله وابد لا ماشفت راحه -- رقيه ع
بسمه تعالى سلام عليكم -- -- رقيه واختمت دنياي واسوني -- متت ودموع عيني امجرّحه اجفوني -- متت طفله وابد لاماشفت راحه -- شفت بس نحر أبويه ايگطعه ذباحه وگلبي مابره بس تنزف اجراحه -- أبو يه اعله الرمح من راسه راووني -- أبويه ابمصرعه من شاهدت حاله -- گطعوا منحره وتسحگه خياله رحت يمه واعاين واگفه اگباله -- جثه امرضرضه لاشافت اعيوني -- يم صدره اجيت واذرف الدمعه -- ابياعين الاشوفه منفصل ضلعه أگعدت يمه وأگله جثتك امگطعه -- يبويه ابدال جثتك ريت گطعوني -- على صدره احط خدي وانوح اعليه -- والنحره حظنته وگمت أقبّل بيه ابويه راس ماعنده العدو امخليه -- يمه ردت اظل وعداي منعوني -- من يمه رحت وبظيمي اتعثر -- وعالغبره طحت يم جثة الاكبر ابن امي اشوفه ابدمه ما أگدر -- بعد أشلون اگله اعداك بچوني -- بچوني او ضربني ابسوطه هالظالم -- رحت اشكي واسولف هظمتي الجاسم مثل اهلال شفته عالترب نايم -- صحت جسام سوده صارت امتوني -- رديت ارجعت ماينوصف حالي -- لن ذاك المهد چن صاير اگبالي وينه اليرتضع عبد الله شو خالي -- حتى امن الرضيع ابمهده حرموني -- حزن اچبير بيّه وابد ماينقاس -- شفت عمي صريع اعله النهر عباس بس أچفوف اعاين والدرع والطاس -- من صوبوه ابعينه شلون روعوني -- روعوني ورحت للشام مسبيه -- وبمجلس يزيد اشظل بعد بيّه عيني الراس ابويه ظلت اربيه -- وميته اعله الطشت من اجوا شالوني -- سيد عدنان الحمامي |
اللهُمَّ الْعَنْ أوّلَ ظالِم ظَلَمَ حَقَّ مُحَمَّد وَآلِ مُحَمَّد ، وَآخِرَ تَابِع لَهُ عَلَى ذلِكَ ، اللهُمَّ الْعَنِ العِصابَةَ الَّتِي جاهَدَتِ الْحُسَيْنَ عَلَيْهِ السَّلام وَشايَعَتْ وَبايَعَتْ وَتابَعَتْ عَلَى قَتْلِهِ. اللهُمَّ الْعَنْهم جَميعاً
اقتباس:
ومقام مولاتنا الطفلة رقية بنت الحسين ابن امير المؤمنين علي ابن ابي طالب عليهم السلام شاهد على ذلك وفي وسيط مدينة دمشق لعن الله ظالميهم انها باب من ابواب الله والله راينا قضاء حاجات عديدة لنافي العائلة بكرامتها عند الله شكرا شاعرنا سيد عدنان ماجورين -- |
| الساعة الآن »03:30 AM. |