يالهادي لرض الشام بالالم ودونة(للشاعر صادق الجبوري)
 

يالهادي لرض الشام بالالم ودونة** بالذل حــــــرم ويتام هالظلام جرونة
ونكرو نسبنه وياك ********** وعادانه من عاداك


يحجي ويجدة ويشكي الي عندة راجع علي السجاد
يشكيلة حالة والي جرالة من بعد طــــــول ابعـــاد
ويناغي كبرة رايد يخبرة عن قســـــوة الاوغــــاد
بحسرة وتنهد ويكلة ياجــــد موقف يظــل ينعــــاد
شحجي وشخبرك وشنعة علكبرك يا اية الجبار
دهرك رمانة وسالة دمانة بالطف جرت انهــار
وذبحو زلمنة وياهو اليلمنة من شحو الانصــار
ريتك شفتنة والخيل اجتنة وحركت خيمنة النار
يالهادي جيتك وبالطف نعيتك فكــــد ابنك المذبـــــوح
لكبرك شكيتة حالي وحجيتة وجيت بكلب مجـــــروح
والياذي حالي وظل بخيالي من الاطفـــــال تنــــــوح
وحركو خيمنة وطايح علمنة عالشاطي ظل مطـروح
ريتــــك يطه شفت العلاه من الهظـــم والنـــوح
بعدك عترتك عنهم شخبرك يالهادي دمة يفوح
ظلت جثثهم ويالهادي دمهم ياجدي ظل مسفوح
بالغاضرية داست امية يا طــــــه كــــل مذبوح
كل لجمة بالطف وكل جرح ما جف يشكي اجاك اليوم
وكل دمعة سالت وكل طفلة ناحت وشالت الم وهمــوم
وكـــل خيمة وجت الكبـــــرك تعنت تنعالك المظلـــوم
وجتـــــك بناتك ومخــــدراتك تندب ياحمـــــد كـــــوم
*** ـــــــــــــــــــــــــــــــــــــــــ****** ـــــــــــــــــــــــــــــــــــــــــ***




لخادم الامام الحسين علية السلام / صادق الجبوري.

ياحادي العيس الا ارفق بنا فانا ربات خدر لانطيق الاسر

اقتباس:

يالهادي لرض الشام بالالم ودونة** بالذل حــــــرم ويتام هالظلام جرونة ونكرو نسبنه وياك ********** وعادانه من عاداك

مارعوا حقهم ولا مكانم ن رسول الله
والله فاجعة مااتى ولن ياتي الزمان بمثلها
تسبى حرائر الاطهار بنات بيت الرسالة الالهية وان كان الوجود الا لاجلهم
كل الشكر للناقل
وللشاعر الحسني صادق الجبورى

شكراً اختي جارية العترة على مروركي اخوكي دوماً وليس يوماً اسمي من صفاتي