|
صورة كبرك المهدوم
بسم الله الرحمن الرحيم اللهم صلي على محمد وال محمد اعظم الله اجوركم باستشهاد الامام الحسن عليه السلام لامافاركت عيني00أتحسر تخليني صورة كبرك المهدوم عشت والدمعه بعيوني وصارت سلوتي ابدنياي وغيرالدمعه ماعندي صاحب أدري يبقه اوياي ومن تنظر كبرعينــــي اذكـــر قصتك مـولاي يالتسري بشرايني00أتحسر تخليني شمسك بالبقيع اتغيب ظنــهم ياشــــبل طه وما معلوم كبر أمك وكعبه الباري خلاهه رغم غيم الحقد نـورك هاي الدنيه ظواهه يالنورك يدليني00أتحسر تخليني احنه بــــس نبي واحــــد عـــدنه ونتوا ذريته وكبل لاتغمض اعيونه اشـكد وصه ابهل بيته من دون الأمم ياحــــيف أمته تركت أوصيته كل لحظه تبچيني00أتحسر تخليني عليكم البچي ممــنوع وكالوا عالبچــي بدعه يردونه نبطل النوح مثـــل مامـنعوا البضعه وحك جبدك يبومحمد ويامن صوتنه اتسمعه الدمعه ماتكفيني00أتحسر تخليني عله الهم روضت كلبي وماأكتم كلت حزني اريدالناس من انعى وعليمن أبچــي تفهمني ابن الزهره كبره ليش أزوره الناس تمنعني ويالكبرك يناديني00أتحسر تخليني اشوفك كعبه بعيوني واعليك المليك يطوف ياحجه وابن حجه وبــــاب الكرم موصوف كبرك يبقه قبلتنه وخل اهل الظلاله اتشوف ماتمنعني تدريني00أتحسر تخليني يمظلوم وابن مظلوم ننـــادي نبقه للمحشر ننساكم ابد هيهات جرحـــــكم بالكلب يكبر يومين الدهــــر ندري ولازم هالدهـر يفتر وجروحي تسليني00أتحسر تخليني صورة كبرك المهدوم للشاعر جبار البطاط |
اللهم صل على محمد وآل محمد وعجل فرجهم واللعن عدوهم . سيدي أيها الزكي المسموم صدق قبرك مهدوم لا قبة ولا منارة كل ما زورك وأنا جارتك يا كريم آل محمد كل ماشوف قبرك بلا منارة أتحسر ويضل دمع عيني ذروف أقسم لك يا أبا محمد بقلبي ضريحك مجسم ولك قبة ومنارة تناطح السحاب السلام عليك يا مسموم مأجورة تربة كربلاء رزقك الله زيارته وفي الأخرة شفاعته |
بسم الله الرحمن الرحيم
اللهم صلي على محمد وال محمد شكرا منتظرة على المرور واعظم الله اجوركم |
| الساعة الآن »11:03 AM. |