منتديات موقع الميزان - الوديعة يجازوهة

منتديات موقع الميزان (http://www.mezan.net/vb/index.php)

- ميزان شعراء أهل البيت صلوات الله عليهم (http://www.mezan.net/vb/forumdisplay.php?f=170)

- - الوديعة يجازوهة (http://www.mezan.net/vb/showthread.php?t=15287)

الوديعة يجازوهة

شحال بنتك فاطمة وانته طريح****هامت الآحزان بيهة ودولبتهه
من رحت عنهة يريتك بس تعود****عينك تشوف المصايب طوكتهه
شلون جازو منقذ الآمة وبشرها****بضعتك أهات وهموم الروتهه
هجمو عللدار ماهمهم أصحابك****والضلع كسروه والباب أعصرتهه
همة ذولة الكالو أحنة أوفياء****مبين بدمعة الزهرة اللي جرتهه
شرد اسولف عالوديعة يامحمد****كضت ببيت الآحزان اتوسدتهه
يابشر بنت النبي هالمرمروهة****والمصايب ليل أسود شبهتهه
القلب بفراكك تكطع يانبي****تدري بعدك يظلموهة اتنبأتهه
رسخو احقاد ضمرتهة القلوب****كنه ثأر بأل احمد أدعتهه
ولوصيك صارت اعداء وخصم****لآن من بعدك ولي البيعة أنكرتهه
هية امتك سيدي يالنبي طه****قضت عالعترة من نسلك وذبحتهه
بعد معروفة الهداية بالآسلام****والمناصب يبتغون بهاي ثلتهم بغتهه
والدليل قبل ليلةالوداع الوصية****بالآسم وصيت أمتك واجهلتهه
والمعانات أبتدت وبقلب أسود****نكرت الميراث وحقوق اغصبتهه
ويل للآمة ببغض بنتك يارسول****خل يفيد التددعي سنتك حوتهه
وسفة نعتوك بهجر وانته الشفيع****هية صارت بالنعت واترحمتهه
سنة الباطل من بعده الرحيلك ****ومحو كل الذكر لآهلك سننتهه
حكمة الباري وحكيم بكل أرادة****وكلمة الحق للظلم هية اللوتهه
وليومنا هذا يكفرون اليحبكم****عاشت الشيعة بظلم واتصبرتهه
وينك المهدي بعد كافي اطفحت****ارواحنة كلهة فداكم انذرتهه
نحزن ولوشفنة قبرك يانبي****بين أذناب الكفر وبسلفهم وهبتهه
وعمت عيني عللبقيع احجار بس****حرمو كلمن يزور وكفرتهه
ششتكيلك ياشفيع القلب حزنان****اتمادت الآمة وحتى سنتك غيرتهه
أحنة اتباع أهل بيتك للنهاية****شيعة وبدمنة سرت كل معتقدهه
وعدنة بنتك فاطمة أمنه وأصلنة****بيوم عاشوراء نحيي مرتبتهه
لآن ما حضرت وشافت كربلا****وتنظر اليلطم والدموع منزلتهه
شرد أووصفلك يطه وانته ادره****من ظلم عكبك الشيعة ابتلتهه
ننعى هاليوم برحيلك يانبي****أبوصالح ونكله الغيبة طولت هالغبتهه
الغيبة طولت هالغبتهه
لخادم أهل البيت(ع) زاهر المعموري الحلي
بيرث - استراليا 2010م

بسم الله الرحمن الرحيم
الحمدالله رب العالمين والصلاة على محمد وآله الطاهرين واللعن الدائم على أعدائهم أجمعين ...

أحنة اتباع أهل بيتك للنهاية **** شيعة وبدمنة سرت كل معتقدهه
وعدنة بنتك فاطمة أمنه وأصلنة **** بيوم عاشوراء نحيي مرتبتهه

بوركتم وأجركم على الزهرة أم الحسن صلوات الله عليهم أجمعين ...

أبد والله يازهراء ماننسى حسيناه

اقتباس:

شرد أووصفلك يطه وانته ادره****من ظلم عكبك الشيعة ابتلتهه
ننعى هاليوم برحيلك يانبي****والعزاء انقدمه لمهدينة أبو صالح يحلهه

نعم نشكو الى الله والى رسوله صلوات الله عليه واله مما ترى الامة والى الحجة ابن الحسن عليه السلام نستهضه

شكرا للاخ زاهر المعموري

اللهم صل على محمد وآل محمد وعجل فرجهم واللعن عدوهم .

اقتباس:

شلون جازو منقذ الآمة وبشرها****بضعتك أهات وهموم الروتهه
هجمو عللدار ماهمهم أصحابك****والضلع كسروه والباب أعصرتهه
همة ذولة الكالو أحنة أوفياء****مبين بدمعة الزهرة اللي جرتهه

أجرك على من ارتاعت من نار الحطب

واللعن الله أعداء الله ظالميهم من الأولين والأخرين

الوديعة يجازوهة

اللهم صلي وسلم على سيدنا محمد وعلى أله الطيبين الطاهرين..
أشكركم جزيل الشكر على مروركم العطر ,,
الموالية وجارية العترة ومنتظرة المهدي
جزاكم الله خيرا
زاهرالمعموري

المواضيع والمشاركات التي تطرح في منتديات موقع الميزان لا تعبر عن رأي المنتدى وإنما تعبر عن رأي كاتبيها فقط

إدارة موقع الميزان