|
زينب والعباس ع ...كعدة.. بقلم الشاعر احمد رفيش
وينك يالعفتني....خوية انت الجبتني وينك خوية هاليوم ...... ترضة ابكلبي مالوم خوية انت الجبتني اليوم ياعباس وينك وانة صرت ابين اميــــــة جروحي تسعر يا جفيلي شلون حرة انة سبية شلون خوية اتنام واني مجتفة من اثنين اديــة ناديت وينك ياكمر .... لاتضل نايم عالنهر....عذبني ياخوية الدهر .... كوم خوية ورد إلية خوية انظر الحالي ............ شعملت هالليالي اترك خوية هالنوم ...... زينب بين هالكوم خوية انت الجبتني كًـــوم ياعباس وانهض شوف زينب ياكًمرها كًوم شوف الحرة اختك كًوي ياخوية صبرها ياجفيلـي همومي زادت وانت يا كافل خدرها انهض يبن عقد الوله ....محتارة بين العايلة .....ودموعي ضلت هامله ... وروحي تشكيلك امرها تشكيلك امرها ........ الحرة وي خدرها خوية ضاكت سنيني ....... ياعباس حاجيني خوية انت الجبتني يافخر هاشم احشمك بالوعد يالواعدتنـــــــي وين عني اليوم وينك انة بمصاب وعفتنـــي صرخت بسمك يا جفيلي انت يالبيدك جبتني وينك يسبع الكنطرة ..... ابحالي متشوف الجرة .... والنار بية موجرة ياخوية عدوانك سبتني انت الواعدتني***** خوية وفاركتني ارجع زيح الهموم ...... كلبي خوية ملجوم خوية انت الجبتني ياكمر عدنان وينك انت ياخوية التجيـــة واعدت حيدر ابونا وكـتلة ياحامي الحمية زينب الحرة اخيتي بوية ما الهة وصيـة وخان ياخوية الدهر.....ونايم انت اعلى النهر ..... انهض يبن فارس مضر وكوم خوية وشوف امية بعدك من عفتني ........ ضربوا خوية متني ودموعي تصب دم ..... وحيلي هالتهدم خوية انت الجبتني ياشبل حيدر وجفة زينب اختك يضربــــوها شلون ياعباس تقبل للسبي الحرة خــــــذوها شلون ترضة للعقيلة اتكودها اسياط السبوها كوم انت الي جبتني ..... شلون وحدي هنا عفتني ..... وانت خوية الواعدتني وانت هم عينك طفوها خوية اعذر عتابي .....هيجلي مصابي مصابي هيج اجروح ...... خوية وجفني مذبوح خوية انت الجبتني وينك يالعفتني....خوية انت الجبتني وينك خوية هاليوم ...... ترضة ابكلبي مالوم خوية انت الجبتني اعذرني يا عباس خوية هالمصايب هدمتنـــي ماحملت جروح بُعدك خويه وجروحك سبتني حرة يا عباس تدري والعدا بعدك ولتنـــــــــي وجروحـــــي تندب ياكمر ......وجروحي تندب ياكمر من صدري كلبي انة انفجر .....وجروحي تندب ياكمر ياخــــــوية واصبر للقدر ..... وجروحـي تندب ياكمر وضليت يا عباس انحب ودمعـــــــي لدموع الزجيـــة خادم اهل البيت عليهم السلام احمـــــــــد رفيــــــش صورة الشاعر احمد رفيش http://up.arab-x.com/Feb10/VWb88139.jpg |
| الساعة الآن »11:59 AM. |