|
وديعه امودعه وضلعي تهشم -- نعي لوفاة الزهراء ع
نعي -- -- وديعه امودعه وضلعي تهشم ابدار احزان عشت الالم والهم -- أنه الزهره واسولف هظم چبدي وماغير الحزن ظل بعد عني جمره من تهل عيني اعله خدي ومن كثر البچي دمعاتي من دم -- أهل دمعي وعليه الفرح مامر ومن كثر المحن گلبي تمرمر حسراتي الصخر منها تفسر مصايب والصبر منها تهدم -- تهدم ركن صبري أوروعوني وآنه بت محمد مارعوني وديعه امودعه عدهم نسوني ونهاري امن النحيب ابعيني اظلم --- أشكي الوالدي همي ومصابي وأدري ايأثر أمن اعتب عتابي بچت بويه عليّه حتى بابي وجنيني هم بعد بويه ميسلم -- گصت بيّه اليالي ابسگم روحي وملائكة السمه ناحت النوحي جرح جرحين ماتنحصي اجروحي وعليّه النايبات أشكثر تلتم -- صبر أيوب لا مو مثل صبري ولايعقوب مثلي دمعه يجري مآسي وبالمآسي انختم عمري ولمصابي نصب جبريل مأتم -- سيد عدنان الحمامي </B></I> توقيع : عدنان الحمامي |
بسم الله الرحمن الرحيم
سيدنا العزيز : تحية ملؤها الحب كلمات رائعة بل أكثر من رائعة أجرك على أمك الصديقة الكبرى |
| الساعة الآن »11:00 PM. |