|
بين الكفلين (قصيدة)
جيتك يا خويا من بعد شهر وعشر تيام بعدك أنا كفلت الحرم وداريت هالأيتام ريتك جنت يمي يا بو فاضل بأرض الشام يوم اللي طبيت القصر بين آل أمية ********** تمنيتك بذاك الوكت موجود يمي أنت وجدي المصطفى والزهره أمي وحيدر وبو اليمّه عسى شّيلون همّي واحجيلكم يا عزوتي ويش صار بيّه ********** احجيلك شلون احركوا علينا الصواوين وآنه وِحيدة بين أيتام ونساوين هذا ينادي وين أبويه حسين وين وهذي تنادي عمتي هجموا عليّه ********** احجيلك شلون انسبت سكنه وأم كلثوم واحجيلك اشكد انزفت جتف العليل دموم واحجيلك اشصار برقيّه وخدها الملطوم نفس الأيادي اللي لْطُمت خد الزجيه ********** ماهر صالح الصندوق |
بسم الله الرحمن الرحيم
احسنت اخي ماهر الصندوق وبارك الله بك وجزيت خيرا اخوك الشاعر ابومحسد |
| الساعة الآن »10:38 AM. |