|
قصة كونداليزا ( هدية بمناسبة انتصارات تموز المجيدة )
قصة كونداليزا ( بالإذن من الشاعر السوري الكبير الأستاذ عمر الفرا استعرت منه بعض الملامح من قصيدته قصة حمده ) هادي قصة كونداليزا قردة من نوع النسناس هربت من قفص السعدين وراحت عاشت بين الناس وصارت تعرف تحكي وتغري وتلبس زهري وتلبس خمري اتسشور شعرا تلعمط وشا بكحله وحمرا وصارت تلبس كعب العالي مع أنو كسما رجالي ولمن بوسها السنيوره حس بشغله غريبه كتير تعجب من شكل الشفتير بتشبه شفتير الخنزير يمين معظم هل المأبوره ما لا من جنس النسوان ولمن حست نفسو قلبت ومن هل البوسه شفتو شترت ضحكت من جواتا وهمست بعمرك مو بايس سعدان وفاتت كونداليزا سكول ولبست والله هل مريول وصارت تعرف تقرا وتكتب تطرح تضرب تكسر تنصب وبعدا فاتت عل الكليه بكالوريوس وماجستير دكتوراه وبروفيسير وسبقت عمها طوني بلير وصارت تحكي بالحريه تمجد بالديموقراطيه وبالحضاره الأمريكيه تطالب بحقوق الإنسان وما نسيت حق الحيوان مو أصلا كاين سعدان يعني صارت هل النسناسه جهبز بأمور السياسه ومدري كيف ومدري شلون شافا كلب البيت الأسود خرطت مشطو ضما لخطو عينها بالأمن القومي وين ما سافر هون وهون لزقانه بدنبو أم رسمي وبعدا رفعها لوزيره مسؤوله عن أمر الكون ما في جنازه ما في جوازه إلا بأمرا لأم سعدون وآخر شي عينها دايه حتى تولد شرق جديد ما نو صغير كبير كتير أكبر من أكبر شنتير شرق مدلل كلو عبيد كلو بيطاطي كلو بيركع وبيرجف من بوز المدفع مافي بدي أو ما بدي وشو ما قللوا سيدو بيسمع لكن ما ظبطت لحكايه وفشلت معهن كل هصرعه الشرق الأوسط بلش يزحط وكونداليزا صارت تبعط وكل آمال المستر بوش راحت والله عل فافوش حتى خالا مسخ الجمعه أولمرت قرد السبت اتصرمع صار يولول بالمقلوب كنو مهستر أو مجدوب كم بلده بآخر الجنوب نزعتلو طبخة الكروش وساوتلو حراق بإصبع عم تفكر كونداليزا ترجع على قفص السعدين أبو هادي ركبلا كريزا وخلاها متل المجنين بس سعدين الدنيه اجتمعت إذا هل البلوه لعنا رجعت عيشتنا كلها حتخربط مو معروفه هل الحيوانه إنسانه مالا إنسانه سعدانه يمكن سعدانه أحسلا تبقى بواشنطن يمكن يتزوجها بولتن وشيطان تزوج شيطانه أما لعنا ما في فيزا ما في فيزا ما في فيزا هادي قصة كونداليزا دمشق ( صفوان لبيب بيضون ) _____________________ القصيدة بالعامية الشامية فعذراً إن كانت بعض الكلمات غير مفهومة . |
اللهم صلي على محمد وآل محمد وعجل فرجهم والعن اعداءهم الى يوم الدين
الف شكر اخي الفاضل صفوان على القصيدة الرائعة ماقصرت ابداً بوصف كوندي ومن كانوا سيصبحون عبيدها ولاصانعين الشرق الاوسط الجديد ولو انهم يستاهلوا وصف اقسى كمان الف تحية لكل من دافع وقام وحمى ارض لبنان والف شكر وتحية لبلدنا الثاني سوريا الذي استقبل شعب لبنان ايام الحرب كل الشكر لك اخي واسمح لي احتفظ بالقصيدة من بعد اذنك |
ابيات رائعة وماقصرت حاولت كوندي تكون قابلة قانونية لكنها اثبتت فشلها في مخاض للشرق الاوسط الجديد فحصل الاجهاض السريع ...ومساكيتن اؤلئك الذين راهنوا
اقتباس:
اكيد مافي فيزا وخلي يجربوا واتباع علي والحسين عليهما السلام لهما بالمرصاد واسال الله ان يحفظ لنا السيد ابو هادي صاحب الطلة الميزة وحبيب قلوب الغيارى |
شكرا لك اخي صفوان يعني فعلا صورة صورتها الحقيقية بهالقصة المضحكة وكل الكلمات مفهومة صرنا خبرة باللغة العامية السورية
شكرا اخي وحما الله المجاهدين وعلى رأسهم قائدهم السيد حسن نصرالله ابو هادي |
أما لعنا ما في فيزا
ما في فيزا ما في فيزا هادي قصة كونداليزا طبعا لعنا مافي فيزا بس فيزوا لها بلاد البترول واحتفوا فيها بكل القصور وباسوا ايدا ورفعوهافوق الراس مع انه قيمتها تحت المداس شو بتقول على دناوة نفسهم هيك بيحكي اصلهم بيقولوا العرق دساس الي بيشبه جدوده مابينلام من الناس اضافة بسيطة مع اني مو من اهل فنك ياشاعر اذا كلامي مكسر لا تواخذني و تعذرني واكيد بتعزرني |
أخي الحبيب صفوان ذكرتنا بأيام زمان
شكرا لك |
السلام عليكم
أحسنتم أخي العزيز صفوان وصف في محله بارك الله بك |
| الساعة الآن »03:46 AM. |