ولدَ الآمام المنتظر يافرحتي -----أزداد شوقي وزاد مسرتي
وأذا بشخصاً جاهلاً في صدفتي-----لماذا؟انت مبتهجاً وأنا قي حيرتي
جوابي له لآنك لم تصل ِ على طه النبي
اللهُم صل ِ على سيدنا محمد وعلى أله الطيبين الطاهرين
,,,,,,,,,,,,,,,,,
أكو خادم رواه العشك بالمهدي-----يكتبله قوافي ابكل الآوزان
أبوذيات وبعد هوسات يهدي-----شعر شعبي اوقريض ابكل الآلوان
يسمََعنه قصيدة الليلة ويشجي----على ذكر النبي صلوا ياأخوان
القصيدة
****
أهتدينا بالنبي الهادي محمد----منقذ الدنيا وبشرها امن الكفر
بغيره دنيتنه ظلام وهوه نور-----بلايا شك هذ النبي سيد البشر
وصه من بعد ابعترته وابعلي-----والغدير الشاهد وصوته الجهر
الدين بالمختار أحمد ابتده-----وينختم من نسله مهدي المنتظر
*****
واضح المعنى مثل وضح النهار-----خاتم العترة وصاحب العصر
حكمة الباري ابولادة هالآمام-----يحسم الدنيا اوظلمها لو ظهر
أبن الحسن هذا حفيدك ياعلي-----من أهل طه النبي وعنه الخبر
أعتقدنه ومايئأسنه بهالآمر-----واللي ينكر هالعقيدة للهادينا نكر
*****
ننتظر محيي الشريعة والعدالة-----لمن اتضيع الحقوق والظلم لمن كثر
كل مؤمن ابقلبه يشوفه-----وكل موالي يرتجي فيه النظر
موعودنه ابصر النور ابن الحسن -----يضوي نوره وية طلعت كل بدر
كل آمل يمكن حقيقة لوخيال-----الا مهدينا الآمل بيه انجبر
*****
انولد سر أل النبي بالمنتظر-----واتلقب ابقائم العترة امن الصغر
وكل سنة لو قرب شعبان الفرح-----القلب ينبض بالسعادة اوينغمر
غايب انته بس تظل النه قريب-----حتى لوطال الزمن وشما قصر
والنجوم البسما تتوهج آكثر-----هالآمام اتوسد ابنص القمر
*****
المهدي اسمك مايفاركنه أبد-----بالصلاة وبالدعاء ظل ينذكر
آنسلب حق الدين وينك سيدي-----والعدل لمن ضاع بيك الينتشر
لو نسولف عالمبادئ طه جدك-----ولونسولف عالصبر بيك انبهر
حتى عودت القلم بو يخط اسمك-----يكتب المهدي اويظل هم منتظر
*****
يامُفدى آرواحنه كلهة فداك-----لجل حُبك حتى نمشي عللجمر
سامرا تفرح دومهه في مولدك-----لكن ابضحكة خجولة وماتسر
القبتين فجرها الحقد وبلايا رحمة-----بيوم طالتها النواصب والكفر
حزنوا ابأفراحنه وفرحوا ابأحزانه-----وبقى مبدأنه صلب ماينكسر
*****
أنشاالله بأذن الآله الفرحة تكمل-----بيوم تظهر وسيفك اللي ينتصر
الشيعة تقبل بالحقيقة وبالعدل-----ومايصير انكول للواحد صفر
يسمونه روافض لآن نرفض الدنائة-----والعدل بال النبي واضح ظهر
كل عقيدة ابغيرك انته ماتدوم-----لآن بس اليحبك يننقذ يوم الحشر
*****
أيماننه ابحبك يبو صالح عشك-----وتدري بالعشاك ميهُمهُم قدر
قلوبنه تنبض ابأسمك حجة الله-----وافكارنه اتهيمت لوطيفك يمر
جبل عالي ماتغير بالظروف-----هالعقيدة اترسخت رغم الدهر
ماتسع فرحتنه للموعود بيه-----سهرت الضحكة لحد خيط الفجر
*****
يالطلعتك عيد ماتنتهي أيامه-----تدري بالآيتام فرحتهُم صبر
جَدك الكرار راعي الكل يتيم-----ناصر المظلوم وواسه أهل الفقر
واحنه أيتامك يبو صالح فرحنه-----وفرحة المظلوم شجرة يم نهر
وفرحة المظلوم شجرة يم نهر
,,,,,,,,,,,,,,,,,,,,,,,,,,,,,,,
زاهر المعموري الحلي
استراليا2010م
نسألكم الدعاء