اللهُم صل ِ على سيدنا محمد وعلى أله الطيبين الطاهرين,,
اليوم جرحك يا أمام المتقين اليوم جُرح دين النبي(ص)
اليوم ذكرى جرح أمير المؤمنين علي أبن أبي طالب(ع),,
فاليك ياسيدي ومولاي قصيدتي:
أجينا انباري جرحك ياعلي الكرار-----آلم ويانة عايش ياوصي المختار
\-\
فزت والله ودعاك الباري بالمحراب*****أختلف هالمرة جرحك وأختلف لصواب
غُفه حيران وتنظره ظلت الآحباب
شبقى للحق أذا جرحوله حامي الدار
--------
أنثلم دين النبي بالجرح هالليلة*****الحزن ياناس حضَر كل مواويله
صب الحق دمع وعيونه تربيله
يلوج ابجرحه هذا اليوم ابو الآحرار
---------
انفجع قلب العقيلة ياعلي اوناحت***** من ضربوك طبرتك بالعرش طاحت
الملائك وية جبريل ابهضم صاحت
وين المصطفى ويشوف هذا الصار
----------
شحال أولادك اوجرحك يدر بالسم*****الحسن وحسين وأبوفاضل ابحيره اوهم
الكون اللي انجرح والجرح مايلتم
محرابك بجه للفاجعة وأحتار
----------
الوصي يالمصطفى الهادي ابغدر ضربوه*****امحرابه اوسجوده ابهامته صابوه
اوكرم وجهه ابدمه الطاهر الخضبوه
انجرح باب العلم اوحامل الآسرار
----------
حزن كلمن عرف حقك يبو الحسنين*****العدو حتى العدو يتصافك الآيدين
حزن وانياح ودمع يذرف عللخدين
حسبنا الله وهوه قادر الآقدار
\-\
أجينا انباري جرحك ياعلي الكرار
آلم عايش ويانه ياوصي المختار

خادم اهل البيت(ع) زاهر المعموري الحلي
شهر رمضان المبارك 2010م
استراليا
نسالكم الدعاء