دمعه عله البقيع, اليوم اجريها -, قصيدة باللغة الدارجة
 

دمعه عله البقيع اليوم اجريها 000000
واسلم من بعد عليِّ سكن بيها
ياجرح العقيدة ونكبة التاريخ
يا جمرة هظم للروح تاذيها
لو نجري الدمع من الجفن غدران
شتظن تنطفي ؟؟ ....هيهات تطفيها
----------=
عوفك لا تعاتب زمرة الاحقاد ,
ناس اتوارثت هالحقد ندريها
تعال انفتش انشوف المصيبه وين
المصيبه احنه المصيبه ولازم احجيها
احنه الي نسينه الدين واهل البيت
وركضنه انريد بس نلزم كراسيها
سنين الي مضت وارض البقيع تنوح
ياهو الي نغر كال انه ابنيها
اذا ابسط فعل ما تكدر اتسويه
(ما افتح سفاره ولا اواليها )
ولا ابدي التعامل ويه آل سعود
وروحن للأمم وهناك اشكيها
اروحن للأمم هذا اضعف الايمان
واسجل موقفي وللعتره ارضيها
كافي من التعامل ويه هالاقزام
ما ينفع تجاملها وتحن ليها
----------
(العراق والبقيع)
تعال انفتش ندور المصايب وين
المصيبه احنه المصيبه وكلنه ندريها
انتخبناهم سند صارو مثل قارون
همهم عالدخل وشلون يحويها
عوفك من بقيع الاه والآهات
نكول بعيده ما نكدر نحاميها
مو هذا العراق اصبح بقيع اليوم
وســـامرا الك تشرح معانيها
صارلهم دهر يبنون ما يبنون
ما ندري شوكت هالكبه نلكيها
عله الفقره العداله واجب التطبيق
وعليهم لاتعاتب لا تحاجيها
طلع هذا الشعب يوم التظاهر صاح
عمي الكهربـــــا يمته تسويها
تجاوب بالرصاص وصاحت النواب
سياسه مسيسه هالفعله ندريها
وشبان انطفت مثل الورود هناك
وبينه ما طفت شمعة تحديها
-----
عمي شلون نبينه البقيع اشلون
وسامرا الجرح بيمن نداويها
اذا ابسط خلل ما نكدر انسويه
شنسوي وصفه الحامي حراميها
-------
بس قائم محمد يبني ما خربوه
ويرجع هالامل يغرس بواديها
سلاما يابقيع الغرقد من بعيد
وعله اكبور الايمه الطاهره البيها
وقل : تبت يداكم يا نسل سفيان
للحاضر خزي ويا عار ماضيها
(يمنع عرض أرقام الهواتف بدون أذن الإدارة)
عمار جبار خضير
2010
ويمكنكم سماعها على الرابط التالي
http://www.wlidk.net/dld3nz16583.rar.html
http://www.wlidk.net/download.gif
وعظم الله اجور الجميع