|
القاسم مع الحسين عليهم السلام
ياعمــي جيـــتك ....... تقبلنــي ريتــك
رايد احامي عنــــك وعن ديني شبل الحسن جاسم انا وتدريني تقبلنـــي ريتــك ـــــــــــــــــــــــــ ـــــــــــــــــــــــــ ـــــــــ بــــساحة كربـــله وبيـوم الـــمروه يبــــين بالشداديد صاحب النخـــوه نروي عن شبل بالمعـركه اشـــسوه عن شبل الحسن عن صاحب النخوه اجه العمه بـــشغف وبصرختـه دوه الك ياعمـــي مــني هالعمر فــــدوه جيتك يـــعمي .......... وبعثـــتني امــي گالتلي ارفع هامتي وگــر عيني شبل الحسن جاسـم انه وتدريني تقبلني ريتك ............................................... اجيت وكلي شيمه من الجدم للراس وكلي اصرار ومروه وقَََيم واحساس مثل عودي الحسن بالـمعركه فراس افدي الروح لجلآك يا اعــــز النالس افني الدنــيا لو انمــــل الك ينـــداس ماخذ هالشـــجاعه من الكمر عباس من عمي ماخذ ........ هاي المأخذ عباس عمي وســـاعده مربينــي شبل الحسن جاسم انه وتدريني تقبلني ريتك ............................ وصــــية والدي الهـليوم مكتوبه يعمي وجيـــت انفذ انه مطــــلوبه تقلدت الحـــــسن بعـــمامة وثوبـه يعمي الجــيش خليني اتجه صـوبه واخلي ادمومه فوك الگاع مصبوبه انه نســـل الهواشــم يرعب اسلوبه من هاشم اني ......... ويرعب كياني افني المعاره وفنـــهه لو تفنيني شبل الحسن جاسم انه وتدريني تقبلني ريتك .................................................. رضعتني ثدايه الطيــــب وتربيـــت بحجر طيب وطاهر حجر ال البيت امي اللبــــستني اللامـــه وتعـــنيت اجيتك سيـــدي وتـــاذن الي ياريت تستنصر وجيـــتك ناصــر ولــبيت ما اگــــدر اشوفك ممــــتحن ظليت اقبل يعمي ......... افديك دمي يرخص الك ياعمي بس خليني شبل الحسن جاسم اه وتدريني تقبلني ريتك ................................... طفيت شموع عرسي وعرسي بالحومه ونيران الخــــيام شــــموعي مظرومـه انــه الــــحنه دمومي عليه مرســـومه والــشبان خلهــــه الفگـــدي مالـــومه بس حالك يعـــــمي سالـمه علــــومـه انه المجــــنون والمجـــــنون لتــلومه جنني حبك .......... واتمنه گربك ارخصـــلك ايــام العمر وسنيني شبل الحسن جاسم انه وتدرينب تقبلني ريتك .............................................. راح ابرز واگر عينك يبــو الاكبر واخلي النار بگلوب الــعده تســعر خل تسمعني امي الــتيوم خل تفخر اعيد امجاد جدي المرتظــى حـيدر انه شبل الحسن منهو العلي يگــدر اراويـــهه المنيه وحتف المگــــدر والحومه تروي ........... شراح انه اسوي ليوث الحرايب هسه خل تلفيني شبل الحسن جاسم انه وتدريني ............................................... طحـــت بالحـومه متخظب انه بدمي واجاني كالصــــقر منــقظ علي عمي گعد واتخظب بدمــــي وبچـــــه يمي گــــتله الساعه فرجت كربتي وهمي وفيت ويـــاك بلـــغ بالخــــــيام امي گـــلهه امر الله هذا وبالامـــر سلمي والامر عندي ......... بالنحر افدي العمي العمر افديه وتــــعرفيني شبل الحسن جاسم انه وتدريني تقبلني ريتك حيدر تركي الكربلائي |
السلام على جوهرة العصمة وفريدة الرحمة سيدتنا ومولاتنا الزهراء وأبيها وبعلها وبنيها والسر المستودع فيها
اللهم صلي على محمد وآل محمد وعجل فرجهم بظهور قائمهم والعن أعدائهم لعنة دائمة إلى يوم الدين http://www.mezan.net/forum/g7/0%20(20).gif الأخت الغالية ذات المشاركات المتميزة : alamal نعم سطر القاسم ابن الإمام الحسن عليهما السلام ملحمة من أروع الملاحم التي سطرها أبطال كربلاء في التاريخ ... ملحمة لا يزال يرن صداها ليسمع دويها كل أذن (لنجعلها لكم تذكرة وتعيها أذن واعية ) حقاً ماأجمل هذه الأبيات عزيزتي وما أجمل المبدأ الذي ناضل من أجله القاسم سلام الله عليه وهو بقاء دين النبي محمد صلى الله عليه وآله وسلم وفقك الله غاليتي ونحن بانتظار المزيد من مشاركاتك المتميزة نسألكم الدعاء لنا ولوالدينا |
اللهم صل على محمد وآل محمد وعجل فرجهم وإلعن أعدائهم ... السلام عليك يا سيّدي ويا مولاي يا قاسم بن الحسن ورحمة الله وبركاته ... عظم الله لك الأجر يا سيدي ومولاي يا حسن بن علي (ع) بمصابك بأخيك الحسين وولدك القاسم وسبي أختك زينب سلام الله عليهم. مولاي كم كُنّا نتمنّى لو كُنّا عند قبرك نُضيء شمعة عليه ونواسيك في هذه الأيّام أيها الإمام المظلوم ولكن النّواصب الوهابية لعنهم الله هدّموا قبوركم ومنعونا عنها ... اللهم عجل لوليك الفرج والنصر والعافية .... أختي " al amal " في ميزان حسناتكم وجعلنا الله وإياكم من المشمولين بشفاعة مولانا المجتبى (ع) لا تنسونا من صالح دعائكم يـــــ زهراء ــــــا مــــــــدد |
| الساعة الآن »12:17 PM. |