|
كعدة بحق الامام الحسن للشاعر صادق الجبوري
جبد الحسن يابويه ا وجبد الحسين ** محتارة هــذا اليوم مـا بين الاثنين بين البالطشت طـــاح *** والــــي عالسهـــم لاح محتارة هذا اليوم ما بين الاثنين ****ــــــــــــــــــــــــــــــــــــــــــــــ ــــــــــــــــــــــــــــــــــــــ**** الصوب ابوها انشوف زينب بالحزن دارت وجها تشكيلة بمصاب الحســــن والــــذي زيد وجعهـــا تكلــــة ياحيــــــدر شفتها وبالطشت بانت كطعها جبدت اخوي البلطشت **** لمــــن شفتها تصوبت ولمن كلتلي تذكرت ورسمت للطف صورها الجبـد الحسن عيناج راحت تنظـــرة وحسين جبدة يلـوح بسهم اليغــــدرة ومابين اخــــوج حسين *** وجبــــد الحســـــن تبقين محتارة هذا اليوم ما بين الاثنين ****ــــــــــــــــــــــــــــــــــــــــــــــ ــــــــــــــــــــــــــــــــــــــ**** جيت اشكيلك يحيدر ورد اخبرك بالي بيـــــة جابني هظمي ونيني والي بعدك سدة عليـــــة وذكراني الجبد بالطف ومن كلت امشي سبية ويوم الكلــت بي انسبي *** ومن ثكل قيدي احبي حبي وبعيوني جن شفت النبي عاري فوك الغاضرية وعيني علجسم الطاح ظلت شبيحـــه وراس العلرمح لاح روحي ذبيحـــه وما بين ذاك الـــراس *** وجســـم العثــــرة انداس محتارة هذا اليوم ما بين الاثنين ****ــــــــــــــــــــــــــــــــــــــــــــــ ــــــــــــــــــــــــــــــــــــــ**** للحسن ونة خفية بوية اهيسها بضلـــــوعي يخفيها يا حيدر علي خاف بيها يزيد لوعي وبالهظم من بعدة يدري ذابلة زهرة ربوعي يدريني انه ام الحــزن *** من زغري متربية ويون ويخاف من كثر المحن للحزن اعلن خضوعي يخفي علية الاه وجمرة سمومــــــة وشب كلبي بالاحزان من هذا يومة ومن سم كلبي نصاب **** ونســـــم يداحـــــي الباب محتارة هذا اليوم ما بين الاثنين ****ــــــــــــــــــــــــــــــــــــــــــــــ ــــــــــــــــــــــــــــــــــــــ**** بالطشت سهم المثلث صاب الجبـدتة مكطعــــة وعيني جن من المخيم تنظــر جبدتة الواكعة يخفي الامه اذا كالولــــة زينب راجعــــة خايف اشوفن جبدتـــة *** ويخفي الامه ابسمتـــة لو شاف طفي وغربتة وكطعت ايدي الجامعة جان الحسن شيكول لو يحظر الطف وسوط الشمر كلحين عالمتن ينلــف ومحتـــــارة بين اثنين *** قيدي وعيـــــــال حسين محتارة هذا اليوم ما بين الاثنين ****ــــــــــــــــــــــــــــــــــــــــــــــ ــــــــــــــــــــــــــــــــــــــ**** مثل جبد الحسن رايح تشوف عيني جبد اخر بسهم المثلث الصابة تشوف جبد حسين ينجـر من الم سهم ال امية وصرت يا حيدر اتذكـــــر لمن كلتلي عللسهـــم **** يا والدي وزاد الالــــم من بعدة شيصيب الحرم بويه لو صاب ابو الاكبر وثلث الجبد وياه جاب بطلعتــــــه سهم الوكع يحسين لمن نزعتــــه وما بين جبــــد حسين *** وجبــــد الي عـــــز الدين محتارة هذا اليوم ما بين الاثنين ****ــــــــــــــــــــــــــــــــــــــــــــــ ــــــــــــــــــــــــــــــــــــــ**** كتلي بالطف راح تنظر عينج الاصعب مناظر وراح كدامج تسير ارمــــاح تعلاها المناحـــر حسين فوك الغبر يبقى تفتـــر عليه الحوافــــر مجروح ضامي وينسحك **** والخيل بضلوعـــه تطك والخيم بعده تحترك من تحز راسه الخناجر كل هذا يا كرار بالطشت مرســـوم وجبد الحسن بحسين ذكرني هاليوم جبدين تنعى الــــروح ***** للحســــن والمذبـــــوح محتارة هذا اليوم ما بين الاثنين ****ــــــــــــــــــــــــــــــــــــــــــــــ ــــــــــــــــــــــــــــــــــــــ**** بوية من هضمي اشتكيلك ريت تسمع سـر شكوتي مــن زغــــر سني يحيــــدر ربت ويايــــه دمعتـــي وصرت ام الحـزن انه والفــــرح طــاوي صفحتي يابويـــــة سمـــو هيبتي *** سـم الحسن ســم جبدتي ياريت تسمـــع صيحتي *** يابويــــة سمــــو هيبتي وياريت عيني لاتشـــاهد جبدة وسط الطشت طـــايح 000 ****ــــــــــــــــــــــــــــــــــــــــــــــ ــــــــــــــــــــــــــــــــــــــ**** لخادم الحسن علية السلام / صادق الجبوري 0000 |
| الساعة الآن »12:00 PM. |