سيد الكونين
 

إمن أﮔـولــن هـذا أظـلم سيـد الكـــون****ولاهـــيـﭽـي الأمــور إوياه تـنـقــاس
إمن أريد أذكـر صفاته كون بـنــصاف****وحـــط مــيــزان لـلـــذرات حــسـاس
محمد بـشــر لاﭽـن نــور مـو طـــيــن****إودليلي إبهاي فوﮒ إبـساط من داس
لأن نعـــــــلـيـنه أشـرف مـن الإبــسـاط****مـشه إبحـضرة إلاها إولابس إمداس
الناس من إتشب يمر بيها الـــــغرام****وآنه من زغــــــــــري تنفَّّسْْتك هوه
يالـﮕـبل ديس الرضعته اوبي رويت****الساني بسمك من تلفَّضـــــته ارتوه
مرود إنته اوياكحل عيــــن الضـرير****إويا رمش عين العشـﮓ كحل الغوه
يادلي اللول الغفه إبسدها النعــــاس****ياضوه عيون اللي ماشافت ضـــــوه
حـﮕـي أهيمن بيك يالمالك مثــــــيل****صار حارس ضلعي وعليك إنطــــوه
شرد أوصِف وانته آيه إمن الجمــال****يللي نـﮕـل أجدامك إتوصــــــَف دوه
يللي بيني إوبينك أبعد من خـــــــيال****إويللي أﮔـرب ليَه من ﭼـلمة ســـــوه
هايم آنه إوبيك يامحله الهــــــــــيام****إمتيمك بخبال لرسومك هــــــــــــوه
شرد أﮔـلك يللي ماشي مني بيــــــك****إويللّي ماغيرك عذب جسمي إحتــوه
شرد أصيرآنه إشكبرني إمن أحتويك****يللي وجهك عالحسن كلـّه إستــــــوه
يللي كل لولة حسن ماهيّه بيـــــــــك****يللي طولك للحسن شاهـــــــــــــوله
يللي ربك كونك بَحْسَنْ قـــــــــــــوام****يللي ماخلـّه إبقوامك لـــــــــــــــــوله
يالغده الساني إولفظ تسبيحه بيـــــك****الهـﭻ إسمك بيـَّه صارت ســـــــــوله
أصبح إبطرواك وأمسي إوعيني لـيك****إوتضل لطلوع الفجر تعلــــــــــــــوله
ياﮔـمر شع إوكسر عين الظـــــــــلام****مثل ماتجلي الحزن هلهـــــــــــــــوله
مو عبث ربك على الناس إجـــتـبـاك****جــلّ مَــنْ خـــلّه الـمـلا إيـسـجـــدوله
يللّي خـلّـه إحروف إسمك معــجزات****ياحــبـيـبه إوصفـــوتـه إومـرســـوله
(ميم) مـنّه إعلى البشر واليـبتغـيـــك****الــــوسيله إشــيطـلـب إيـــنــفـــذوله
(حا) حــرز خــلاك ربـــك لـــلانــــام****إمــنـجلك أمـــلاك السمه إيحــرسوله
إو(ميم) مكـنـلّك تـلوح إعلى البراق****إوتـــوصل الماكـــل بـشـر يـصـلـوله
إو(دال)دنّاك إوصرت من قاب قوس****أﮔــرب إعـــلى الله إويــمــيـنه إتنوله
مامتت ورثــيــك وانــصبلــك عـزاء****إولاعــلـيـك الـدهـر مــرخي إســدوله
إنــته نور الله إونزل يمحي الظـــــلام****أشــــباح ﭽـنـــتـو إوﮔـالـكـم ضــووله
إنـته نـعـمه الـمافـرغ مـــنها الوجـود****كـــون ربـــك عــــيـنـه لـيـك إبطـوله
شـرد أﮔـولـن ونـته جـبـريل الأميــن****إتـباهى مـن هــز إولـــسبطــك لــوله
يا أجــــل مـمـدوح مـن رب الجـــلال****بـس عــترتــك بالــمـدح مــشــمــوله
روحي مَحلة ﮔـاع تتنطـّر شتــــــــاك****إتريد من غيمك تصــلها إبلــــــــــوله
ياحـبـيـب الله إوصـراطـه المستقـيم****الــيحـــبكـــم بــالـحــشــر بــــــاروله

و أسـفـاً و أسـفاه .. آهٍ لفقد المصطفى

اتـشـيـعـك اجت أفواج من الأملاك
كـل نـبـي و مـرسـل يا محمد ناداك
بـدمـعـة حـزن نـسمع تنوح الأفلاك
...نادت على الدنيا العفا .. آهٍ لفقد المصطفى