|
ومضة فارس .... بقلم الشاعر احمد رفيش
(( ومضة فارس )) ميادين المعارك ومضة بيهـــا اتصير .... من فارس شجاع ابفزعة الحمـــــلات يرسم بالصور من صولته وبالسيــف .... ويثنــي القصيدة ويطبر الأبيــــات ومن خوفة الصدر يتخطة بالميــــدان .... ويتقفة العجز بالجملة وانطي اثبات مسلم خط قصيدة بمهرجان المـــوت .... وعنوان القصيــدة ثـــائر الرايـــات كل بيت اليخطة بيه اعد مــــــولاي .... ويرجع بالصور بس اقوى من الفـات وبيها المفردات اتهيم بين النــــاس .... ويطوف ارتجـــالي بسيفة عالهامــات وحد بغيرته وصاح الاذان اللـــــــــه ..... هز الكـــوفة مسلم طبك الكلفـــات والمسلم حقيقة اتخفت اعلى النــاس .... بيه انفــاس تجذب جمرة الصـــولات صد وجه الشمس محتار وين يـــدور .... يصد ارض الطفوف ويرسم الحـــالات حالة للحسين بنحرة حز سيـــــــوف .... وحالة للكمر خلة الجيوش اشتـــات وحالة المسلم ابسيفة الرفيق ويـــــاه .... هد الغيض كله وشرد اهل الــــلات جمع قرص الشمس خطين بين الكون .... كوفة وكربلة متخصصة الومضـــات المن يقتبس واليا قصيــدة يريــــــد .... كل بيت اليشوفة حروفة جنها أيـات متصدرة القوافي بكل سطر مكتــوب ..... من اركاب عدوان الكرم والـــــذات معروفة الحقيقة هواي بيها الــــواح .... متروية الدمة من حمرة الــــوردات جم عين الروت بيها الجفن مـن ذاب .... وجم خـــد انحفر ومبين العثــــرات ماشايف ورد يذبل بجرف المــــــــاي .... ولا شـــايف جفن يتسلة بالدمعـــات وانت السيف بيدك مايضمة اكـراب .... بركاب الاعــــادي اتسلــة بالطعنـات روة الميدان من دمهم يشـد الغيض .... ويخط احلى المعاني اباجمل اللمسات شاعر للحسين ودز قصيدة اتكــــول .... ضمير اهل الوعد بالكوفة خان ومـات @@@@@@@@@@@@@@@@ خادم اهل البيت عليهم السلام احمد رفيش |
اقتباس:
جزاك الله خيراً أجرك على أباعبدالله الحسين عليه السلام ورزقنا الله وإياك في الدنيا زيارته وفي الآخرة شفاعته |
عاشقة العباس ....... اسم يستحق الثناء :
شكراً لمرورك اختي الكريمة واسال الله ان يوفقنا واياكم على كل ماهو خيرا انشاء الله تقبلي تحياتي وتقديري |
| الساعة الآن »07:47 AM. |