يلي ضحيت بحياتي ولجله كل عمري فنيت
انه امك يابعد امك يابني تذكر لو نسيت
يابني ربيتك ياغالي وعلى سنين رباك امالي بنيت
سهرت ليل الشتا بطوله وويه النجوم تسامريت
وجنت لو ردت اغفه يمه وياك اغفه لو غفيت
وافز من نومي واحضنك لو ياوليدي صحيت
يمه تعبني رباك وبالعمر يابني ولا لحظه هنيت
وجنت اقول وليدي يرجع واحتمي بظله لو ذبني زماني وكبريت
يمه ذاك التعب كله والسهر والنوح يايمه تحميلت
قلت تكبر وبسدك ألوذ وتصبح انته حزام ظهري لو هويت
آآآه يابني آآآه يابني
تالي وسفه ويه لوعات الدهر وحدي بقيت
تالي فرقه ويه نوح وبيت اظلم غير ذني مالقيت
تالي ياوليدي تخليني وتروح وتسكن ديار الغرب لهاي ابد ماحسبيت
سنين بعدك مرمرني وصبرت على النوح يايمه تعوديت
وكابرت قلت ابني يرجع لقلبي يابني صبريت
وسفه ويه همومي وحدي ياالولد تالي صفيت
ياالولد بله اريد انشدك شلون قلبك طاوعك يابني ونسيت
يمه ببتوت القلب للمهد يابني هزهزيت
دلوول ياالولد يابني دلوول عدوك بالمحنه وساكن الجول
يمه ببتوت القلب للمهد يابني هزهزيت
وجنت لو بتجي يابعد امك اجيك قلبي قبل الجدم يركض يحضن الكاروك يابني وابجي قبلك لو بجيت
وليدي تذكر لو نسيت ؟؟؟ يمه تذكر ذاك حضني البي دفيــت