منتديات موقع الميزان

منتديات موقع الميزان (http://www.mezan.net/vb/index.php)
-   ميزان شعراء أهل البيت صلوات الله عليهم (http://www.mezan.net/vb/forumdisplay.php?f=170)
-   -   قصائد حسينيه جديده لمحرم 1433 (http://www.mezan.net/vb/showthread.php?t=29548)

سبايا 23-Nov-2011 06:04 PM

قصائد حسينيه جديده لمحرم 1433
 

دلوني بيه أبيا كتر*********** حيد إلَْي طاح إعلى النهر
عندي إوياه إعتاب
هوَ كفيلي من علي **********إو هوَ إلي گال إدللي
يم داحي إلباب
************* *************
أريد أتعنه للشاطي إبقهر گـلبي
ودوسن جمر لوعاتي إبأثر دربي
أُصل للنهر حت لو أضل أحبي
وأشوفن حيدي وين إيا كتر مجبي
بالهظم جيت إمخدره ********** وبجور دهري إمستره
وبحرق إلَطْناب
************ ** ** ** ***********
صدگ عشاطي شفتك فاكد الجفين
والضربه إعلى هامك طفت إلعينين
إوصدگ سهم العده نابت غبوسط العين
صدگ توْها خذت من عدنه إميه الدين
الدرع والرايه إوكعن********* والسيف والجود إندبن
صرنه إويالتراب
*********** ****** *************
صدگ حسبالي ما واحد إليهظمني
إوصدگ حسبالي من أوكَع تكومني
إو من إيطيح خدري إتلفني وتظمني
تالي آني ألأَدورك يالكلت أمني
جيتك ولجدام إتعثر*********** ماأدري بيك إبيا كتر
خويه الگلب ذاب
************ ** ** ** ***********
إجيتك وأرتعب خافن تصدلي الناس
حرمه إبلا حمه وشلون ياعباس
من هول إلي شفته إبعيني شاب الراس
وي حرك الخيم شمر إبثنيتك داس
جيتك إوخليت إلحرم وإطفالك إبنار الخيم
وإبْديرة أجناب
************* *************
صدگ ياحيد ياكوكب بني هاشم
أشوفك عالشريعه إوعالترب نايم
شگولن للحرم من أرد ياظيغم
أگلهن سورنا العالي تره إتهدم
يتنطرنك ياشهم ********** طبو علخيام إزلم
والدمع سجاب
************* ****************
صدگ للماي رحت او ماجبتلي الماي
اوصدگ راح أرد وحدي إو ماترد إوياي
صدگ راح انسبي والشمر يمشي احذي
صدگ ما مرت إبإخت البطل حماي **** معناه = ايْ لم تمر هذه المصيبه بإختٍ لبطلٍ صاحب حميه
خابت إظنوني وإيست********** حين إنته عالشاطي طحت
والأمل هم خاب
************ **************
أودعك والوداع أصبح عَلَيْ محتوم
ياروضةحياتي العشت بيها ودوم
يسوگونا بسياط وزجر خويه القوم
خلوهه اليتامه إبلا شعور إتحوم
الروس برماح العده **********والهزل بيناگاصده
لديار إلَجْناب
************* ******************
مشيت آنه غصب عني إقصدت الشام
إوتحملت الحزن والهظم والآلام
حرمه إتكفلت وإتمحنت بيتام
من مثلي مشت لليسر ويه إزلام
كل ساعه أشب نار إوجمر******** ماخله وليان الدهر
مثكوله باحباب

جارية العترة 23-Nov-2011 07:13 PM

مأجورين اخي سبايا وعظم الله اجوركم ...وننتظر جديدكم
وان شاء الله سيكون فهرس لقصائدكم

mahdi_2000 24-Nov-2011 12:44 PM

احسنت سبايا ان شاء الله في ميزان اعمالكم
ماجورين ان شاء الله على حوض كوثر تسقى
نسئلكم دعاء للجميع

سبايا 24-Nov-2011 04:31 PM

آجركم الله أخي مهدي وأحسن إليكم


الساعة الآن »06:42 PM.

المواضيع والمشاركات التي تطرح في منتديات موقع الميزان لا تعبر عن رأي المنتدى وإنما تعبر عن رأي كاتبيها فقط
إدارة موقع الميزان
Powered by vBulletin Copyright © 2017 vBulletin Solutions, Inc