حســين من اسمه خذه الفقه الدروس الدنيا والكونين وتشـــــرفت شرف

حســــــــين تاج الوفا ترصع بالبهاء وكل نبض بكـــلوبنه بحبه يـــرف

حسين شمس وتشرق بوسط الضمير لاتردها اغــــــــيوم لاحالة ظرف

حســـــــــــين ريه تنسم بريح الحياة والهوى من حسين ولحبه صــرف

حســــــين بحر الجود والعز والاباء ولوما شخصه الجود ضاع ومنعرف

حسين حائه اشراع والسين الســفين اصـــــــعد وبالك تظل على الجرف

حسين شعلة وتضوي تاريخ وقرون والشــمس من نوره ملتمسه العطف

حســــين دكه بكل كلب تنبض حنين وكل معـانيه تفــــور ويه النــــزف

حسين ســــــــونار الجنان الخالدات يكشـــــف الزينات والماتنكشــــف

حســــــين انترنيت حاسوب الزمان تختـــلف كل العــــــلوم وماختلف

حسين مفراس اليوضح كل شــكوك صـــــــنعه الباري وتفرد بالصنف

حسين قطب الكل معاني وكل علوم وكل علوم الكون بالحاءانجـــــرف

حســــــين طه المصطفى بجفه بناه ومن علي الكراروالزهره اكتشــف

ياعــقل بالكون من هاي العـــــــقول بمصــــــنع القدرات قدرها ووصف

ربــــك البيده خلط هذا الخليـــــــــط ياخلـــــــــيط اليوصله لصنع اللطف

ولجل طه وعــــــــترته خط الوجود وخلق ســــبع اطباق وجنان وغرف

والأســـــمهم تســـجد افلاك ووحوش والأجلهم ينبض الكــــون ويــــــــرف