منتديات موقع الميزان - رجب على لسان الشعراء

http://www.mezan.net/forum/g6/6%20(32).gif

رجب على لسان الشعراء

http://www.mezan.net/forum/fawasel/47.gif

رجب شهر الخير والباري أّمر بالفضيلة يسفر اهلال الشهر

http://www.mezan.net/forum/fawasel/47.gif

شهر بيه انرسمت آيات الوفه رجب والمعبود بالعز شرَّفه

الفرح بيه اويه الحزن متوالفه وهذي ايامه سجد الها الدهر

http://www.mezan.net/forum/fawasel/47.gif

اليوم الاول من رجب عطره يفوح ابمثل هاليوم استقر طوفان نوح

يوم بيه الامل للعالم يلوح ابمولد الباقر غصن دوحة مظر

http://www.mezan.net/forum/fawasel/47.gif

ويوم ثاني من رجب لاح السعد اشلون يوم البي علي الهادي انولد

ويوم ثالث كوكب العصمة انفگد على الهادي وچبد بالسم انفطر

http://www.mezan.net/forum/fawasel/47.gif

ويوم عاشر يوم ميلاد الجواد خيزران انجبت نبراس العباد

بهالولاده اشرقت شمس الرشاد من الجواد النور بالكون انتشر

http://www.mezan.net/forum/fawasel/47.gif

ويوم ثالث عشر هالمجد الاثيل اتحقق ابمولد ابراهيم الخليل

ابنفس هاليوم انولد حامي الدخيل ابمعجزة شخصه انفطر ركن الحجر

http://www.mezan.net/forum/fawasel/47.gif

ويوم رابع عشر كل مدمع جره سال لمصاب العقيلة الطاهره

اتغيبت انوار بضعة حيدره وكل گلب من جمرة النوح استعر

http://www.mezan.net/forum/fawasel/47.gif

ويوم خامس عشر شائت حكمته وغفر رب الكون لآدم زلّته

امن القدس للكعبة حوَّل قبلته وبعد ارويلك عن الخامس عشر

http://www.mezan.net/forum/fawasel/47.gif

يوم موضع رحمة المختار صار وعن رسول الله انفتح ذاك الحصار

وتم زواج الطاهره وحامي الجار ومات ابو ايزيد ومضت روحه لسقر

http://www.mezan.net/forum/fawasel/47.gif

ويوم ثامن عشر يوم النايبات بي نبي ابراهيم اشرف عالمماة

وثالث وعشرين يحمل هالصفات الحسن بالخنجر تصوب وانغدر

http://www.mezan.net/forum/fawasel/47.gif

ابرابع وعشرين هالصوت ارتفع لباب خيبر چف ابو الحملة قلع

وجعفر الطيار لدياره رجع وفوگ راسه اتلوح رايات الظفر

http://www.mezan.net/forum/fawasel/47.gif

ابخامس وعشرين لوعتنه تزيد حين نذكر موسى وابرجله الحديد

گضه نحبه ابسجن هارون الرشيد وجرح فگده بكل گلب خلف اثر

http://www.mezan.net/forum/fawasel/47.gif

وسادس وعشرين شب جمر الغضه اشلون يوم وبيه ابو طالب گضه

وسابع وعشرين بي يزهي الفضه ابمبعث المختار هادي البشر

http://www.mezan.net/forum/fawasel/47.gif

وثامن وعشرين سبط المؤتمن امن المدينة لكربله شدّ الظعن

ثوره من يثرب ابو اليمّه علن وبده بأوّل خطوه من ذاك السفر

http://www.mezan.net/forum/fawasel/47.gif

ابتاسع وعشرين هالعالم حزين يوم رحلة زوجة الهادي الأمين

ولخديجه ايسيل دمع المؤمنين ابفگد أُمهم هالدمع يجري حمر

http://www.mezan.net/forum/fawasel/47.gif

للأديب جابر الكاظمي