[fadak]

زنجيل زهيري للإمام علي ()



لوجار بية الوكت وعداي كثرت علي
أبقى آنه عالي ومحب والعالي دومه علي
وما أنكر آنه الوصي ويبقى إمامي علي

ما أنكر إسمك علي الحي مرضعه وحي دره
إنت الوصي المنكتب والمات والحي دره
ماخابت السمتك يابا الحسن حيدره

منهو اللي بالموزمة يوم الحرب كرار
وسيفك بكل معركة إل روس الكفر كرار
حك اتباعك التفتخر بسمك علي الــ كرار

الشر كبل الخلك يرجع بأصله تراب
ومتسوله هذا البشر بس بيك كله تراب
مالك كلوب الخلك مولاي يابو تراب

من ادخلت هل عشك وضلوعي لك صبطين
والروح من رفرفت جنحان الك صبطين
إبمجرة دمومي سلك حبك يبو السبطين

حبك يحيدر عمل بميزاني أفضل عمل
لوصام صلى البشر كل الفرايض عمل
بس ينكرك ما نجا لأن إنت خير العمل

الكل شدة إنت الفرج بيك الشدايد نحل
لوباد هذا الجسد والحيل مني نحل
متهمني كل دنيتي لوأنخى أمير النحل

يحتار بيك العقل ينشده بيك الباب
أحمد مدينة علم صرت إنت الها الباب
موحكي بيك امن لاجن أهوى آنه داحي الباب

لو دار بية الزمن وافتر علي وجار
بس أدخل الحضرتك خطار إجيتك جار
نعمين والله وكفو منك يحامي الجار

من إعشكت حيدرة ضلمتي صارت بدر
والي مالك علي جوهر مرصع بدر
يافارس اللي ملك مثلك يفارس بدر

جم معركة على الكفر حملة بأثر حمله
الفقار يوم النزل ياهو الكدر حمله
من غير فار مضر واسمه أبو الحملة

ياهو اللي مثلك علي كل عمل عنه حسن
عشاك الك اتباعك بوجوه كلها حسن
من فضلة طينتك اتباعك يابو الحسن

واسمك رفعت بعسك فوك السما لافته
وبغير علمك غلط كلمن رفع لافته
جبريل نادى بأمر لاسيف أبد لافتى

الا الفقار الكفو ولافتى الا علي