[منتظرة المهدي]

زوار زوار زوار زوار
وياكم أخذوا روحيتي يم حامي الجار


******

مشتاق مشتاق من بعد الإفراق
لشوفة ضريحة وقبته أشبح الأنظار

******

حاجات حاجات عندي وملمات
بعلي مدد ياما اهتفت ليلي ويالنهار

******

لضريحه حنيت تودوني ياليت
أخدم خدمكم بس أصل يم علي الكرار

******

صحنة أطب بيه وفرح وهنيه
بميلاد أبو صالح وطش شكليت وأزهار

******

ومن عنده وفاد نقصد البغداد
وللكاظم وشبله الرضا سادتنا الأبرار


******

مشاي مشاي وأمالي وياي
حافي أروح لكربلاء وأخدم الزوار

******

أعجاز أعجاز تمشي على عكاز
أنظارها لحسين اعتنت وبخدها أعبار

******

وتتعنى لحسين نسوة ومعاقين
شارات من عنده ترد بحق مهدي الأطهار

******

وبكربلاء هناك ألزم الشباك
وأفرش عليه خد حاجتي وبقلبي الأسرار

******

وزحف على الرأس لحضرة العباس
وأدري بأخو زينب أبد ما تخيب خطار


******

من كربلاء لصوب لسمراء لدروب
أقطعها يا محلا التعب ليهم والأسفار

******

للعسكريين نصلي ركعتين
نصرخ يا مهدي ونلتفت يمين ويسار

******

بلكن شبحناه وبزحمة شفناه
وبلكي دفئ كفوفه نحس ونحكيلة اللي صار

[media]http://c.shia4up.net/uploads/13148216061.mp3[/media]