[سبايا]

يا مهد النبوه اومنبع العتره أو يارافد يغذي العالم ابأسره

يا بحر الكرم والعاطفه والجود اويامنهج الدين اوغايته او فكره

ياروح اوجذركل كائن ابهالكون يا مغزى اومظنة كل نبي اوعتره

يابرهان نوح اوموسى وابراهيم اويا معجزة عيسى الكل شخص يبره

ياروح الوحي والنذر والتبليغ اوكل مصحف سماوي اعليهم اينشره

يالرقة جنابك تذهل المجنون اويلين الها الحديد اوتنحني الصخره

يالصبرك جبير اتعدى صبر ايوب من مثلك تحدى العالم ابصبره

انته البيك باهل طه اهل نجران وانته البيك عايش حتى البكبره

ياثالث امام ايقاتله المؤموم* اشكم مؤموم راد ايوسدك الغبره

ياعظم ضلامه انعرفت ابتاريخ اويا اعظم شخص مظلوم من زغره

يالذكرك بواجي اوسيرتك احزان اويلاسمك يهز الكلب من جذره

يالكبرك مدينه امودعه الافراح صيحات اولطم وانياح هالعتره

يالمصيوب الف اوتسعمية اصواب جرح ابجرح صارن طبره في طبره

يالمالوم جرحك والرضيضه اتصيح واسهام العده ابنص جبدتك غزره

يالبجه مصابك حت حمام الدوح اوكل مخلوك شافك خنكته العبره

يالهظمك كسر كلب الصخر يحسين اويالونك غليض المرمر ايفطره

عمت كل عين صلفه اوماتهل ادموع او عسى كل كلب قسي اوياك مايبره

اجى جدك محمد يلطم اعلى الراس اويصيح احسين ابني يهو حز نحره

وصل يمك اوخضب شيبته بدماك اوجبينه ابفيض نحرك جدك ايعفره

اجاك الجان من ثغرك يقبل بيك حط ثغره اوتلطخ بالدما ثغره

ابيومك ضاكت الوسعه اعلى كل الكون لجن يايوم يومك ياأبو العتره