احضر مجلسك ياحسين خليني
خلها اجيبني الدمعة وتوديني
حسين حسين حسين حسين
****
احضر مجلسك خليني يامولاي
اسطر الاحذية لوشيل بوش الجاي
لو اكنس المجلس لو اوزع ماي
واليلعن يزيد يصيحلي انطيني
****
لاجل امك الزهره فاطمة البضعة خليني
احضر واكعد على الرمضة
اوبلجن تحصل ابكلبي فرد ومضة
اومن احتار هي الي تدليني
****
ابجاه اختك المسبية تساعدني
خليني احضر وارجوك سامحني
تره حبك شغل عقلي اوجنني
او منو يعوض محنت اسنيني
****
يبوفاضل دخيلك حاجي ابو اليمة
اويا ام البنين اتوسطج يمه
وامشي الرضيع الي نزف دمه
احضر ينغسل كلبي بدمع عيني
****
أحلفك بالحسن وبجبده المسموم
وبداعة رقية وسكنه يامظلوم
امشي عليك الأكبر المحروم
خليني احضر وانت اليتواسيني
****
ما ضلت وسيلة بس علي السجاد
أعاهد ياحسين الذنب ماينعاد
وادبها النفس من كل خطا وعناد
وبداعت ابوك اوجدك امهلني
****
اتمنه الليالي اطول والايام
احضر مجلسك واخلص من الآثام
واتربى على ذكرك وانسى هلالام
بس انت الطبيب الي يداويني
****
نسيت القاسم اوما ادري انا بهاي
لان كلبي وسخ من الذنوب أهواي
والخاطرالقاسم سيدي اومولاي
خليني احضر بمجلسك خليني
****