عجيبة اعلى الحياة العاشت بلا مــــاي .... وضل بيهــــــــــا الورد متفتح ابعطرة
وعجيبة اعلى الابو بحظنة طفل مذبوح .... وهد اســـــــم الحزن عبد الله من صبرة
ماكولا طفل عبد اللــــــــه ابن حسين .... رضيع شلون شــــــــــارك بالحرب نحرة
اذا فارس اكول يعد الف خيــــــــــال .... حضن جف الشجــــاعة ولاذت ابكتــــــرة
واكماطة الشهامة ومو لانه زغيــــــر .... لبس ثوب الشهادة وبــــــي ختم عمرة
وماكول العطش من عندة ضل يلــوج .... ويصرخ من عطش نــــــــار وصبح جمرة
سمع صوت الغريب يصيح ياهالنــاس .... الا من ناصر محد سمع أمـــــــــــــــرة
شاف حسين وحدة ولا نصير ويـــــــاه .... نفض مهدة ويصيح انـــــه الذي ينصرة
ورفع جف الشجاعة وعاين العبــــــاس .... يعمي ايكلة انــه ويــــــاك بالثـــــــورة
وتوسد حضن ابوه وجنه درع اللــــــه .... لان شـــــــاف السهم متعني يم صدرة
وكال اشلون ابن المصطفى من يصيـح .... كــــــون الميت يكــــــوم ويفز كبــــرة
لكن للاسف ماضل ضمير ونـــــــــام ..... ضمــــاير هـــــالخلك متبدية عالغبرة
وطفل عطشان ماهمة العطش هيهات .... كل همة يواســــــــي حســـين والزهرة
خادم اهل البيت ع
احمد رفيش