منتديات موقع الميزان - عرض مشاركة واحدة

mahdi_2000 · رقم العضوية : 4531

شح سيل الدمع وانجرح موك العين يلن ماله على جمر الحزن كل تمكين
حز بيه النحيب وكثرة الشهكات وحوه للعطش جرح وللهضم جرحين
بيه من كل سهم باخواني جم نيشان ومن كل صرخه بخيامي الف سجين
وحز بيه الوداع وفركة الوليان حد ماهدم الحيل من المكاوين
وبدا وياي المصاب وداع يتلى وداع وعيوني تصد لفراك المغربين
وخلت منهم خيامي معين بعد معين وصفكت الراح آ يا خسارة الماشين
عزاز اهلي وجذب هاي المعزه تهون وبالوادم مثلهم ما يصح مرتين
انوار من العلي ونزلهه فوك الكاع الله اختارهم بس همه للدارين
نشك وجه الكمر من صوبو عباس وطفه نور الشمس بصواب كلب حسين
انه شلون ابصر وياصبح اشوف النوب ومن السما اتهاون عالارض شمسين
شسولف يالغيور وخاف اثكل عليك الجروح وما تكفيهه مهجتك زين
يمكطوع النحر ضلينه بين اعداك نصد ليكم بعين وللعساكر عين
علي لو من صخر ينكسر كلب الناس طحت لن بين عدوان ومرار البين
ساعه اندب اخوتي وساعه اطفي النار والم ساعه اليتامه وتفر مرعوبين
كصد لينه الهضم جفينه طاسه تشيل لجن مو ماي بيهه ويروي الظامين
يلم النه المواجع بيهه والحسرات ويطش احزان منهه تهدم الكونين
هدم حيلي المصاب وعازتك هاليوم وساعت عازتك تمشي ويه المودعين
حسافه وما تبعتك يلولي على الموت واموت وياك لولا وصية الموصين
طيب العيش يحرم من بعد فركاك لمن ماالاكيكم يماي العين

　
　____خادم الحسين علية السلام ____
برجيل الدراجي