[سليلة حيدرة الكرار]

السلام على جوهرة العصمة وفريدة الرحمة سيدتنا ومولاتنا الزهراء وأبيها وبعلها وبنيها والسر المستودع فيها
اللهم صل على محمد وآل محمد وعجل فرجهم بظهور قائمهم والعن أعدائهم لعنة دائمة إلى يوم الدين


قبل لاقول زينب ابدي بسم حسين

ابسمل لازم وبعدين اقراها

سوره ومن لغز حيدر كتبهه ابنور

وبس حيدر يفسر شنهي معناها

وعلى بيت الستر صارت ستر للناس

وبماي الذهب بجفوفه خطاها

وحدد خارطه بكل خطوه للحوراء

وعلى ادروب المصايب امس دلاها

وللطف علماهه اشلون وي حسين

توقف مثل ابوهه الوقفته الطاها

زينب للحزن صارت ملاذ وبيت

وبجفوفه الحزن صعبات غذاها

وي ظلها المصايب رافقتها اسنين

وخطوه با ثر خطوه المحنه وياها

قامت عالصبر زينب تصبر بيها

وايات الصبر للصبر تقراها

زينب صح مره بس تسوه قومه ارجال

وجدمهه اخشوم ياما شكثر داساها

اذا عندك مصيبه اتعنى ليها وروح

هاي ام المصايب فرج ملكاها

بت حامي الحمه ونسخة علي الكرار

وتلوذ ابحيدر امن اتلوذ بحماها

ماشافت بشر تلميذة الزهراء

واتحدى اليقلك بشر شافاها

اذا ظل العقيله امحجب اعله الناس

جاقلي الحقيقه اشلون تلقاها

فارس بت علي ومن اشجع الشجعان

ومو بالسيف تذبح من تحداها

سيف امن السوالف خطبة الحوراء

وقص روس الزلم والزلم بجاها

زينب بالمزامط خذت من عباس

من صار المزامط روحه عافاها

من شاف العقيله اتصيح ياعباس

قلب روس الزلم نسوان سواها

شوصف بالعقيله اشتنعد الميزات

اذا جبريل حار ايعد مزاياها

طف الوحده يسمه للحوراء

بسمهه وكل وقت ينقام ذكراها

واخيرا راح افلك ليش اجت للشام

وليش اهنا قبرها وكل بقاياها

لان تدري احنه باجر هم سبايا نروح

تعزب بينه باجر لو قصدناها

الأبيات : للشاعر علي الخزاعي

مأجورة خادمة المرتضى أنالنا الله وإياكم زيارتها في الدنيا وشفاعتها في الأخرة

نسألكم الدعاء لنا ولواالدينا