[mahdi_2000]

عــقــلــي مــلــكــتــه ...و بــكـيـفـك إنـتـه
هـاك الـقـلـب هـاك...مـا أقـدر أنـسـاك ...و بـكـيـفك إنته

الحواس الخمسه ملكك و القلب بيتك ...آنه كل نبضه إبوريدي إتصيح حبيتك
يـا حـسـيـن إبـعالم الدر آنه ناديتك ...إنت يا فرض المحبه و آنه صليتك
مــهــمــا جــرالــي ... تــبــقــه إعــلـه بـالـي
كـل جـسـمـي نـاداك...مـا أقـدر أنـسـاك ...و بـكـيفك إنته

كل شخص عنده قضيه يحرص إعليها ...و آنه عندي بس محبتك و أفتخر بيها
آنـه هـالـخـدمه الشريفه بروحي شاريها ...أدري أولها كرامه و فوز تاليها
هــالـخـدمـه هـيـه...أشـرف قـضـيـه
مـن آنـي لـولاك...مـا أقـدر أنـسـاك ...و بـكـيـفـك إنـتـه

عـلمتني الدنيه فرصه و موقف إنسجله ...و البشر ميهمنه عمره ينذكر فعله
عـلـمـتـنـي مـن أحبك أكره الذله ...آنه أتيه حته روحي إسمك أنذله
مــا شــافــت الــعــيــن ...بــس إنـت يـحـسـيـن
يـذبـحـنـي فـرقـاك ...مـا أقـدر أنـسـاك ...و بـكـيفك إنته

يـا حـسـيـن إهـوايه مثلي بيك مجنونه ...طبعي أتباهى بحبيبي و اليحبونه
هـذا عـشـق الـمـا مـثـله و لا يفهمونه ...ما يعرفون المحبه الما يجربونه
يــا مــالـك الــروح...مـا ريـدك إتــروح
بـجـروحـي ألـقـاك...مـا أقـدر أنـسـاك ...و بـكـيـفك إنته

يـا حـسين أصرخ أحبك حته بالسكته ...و اليحبك هذا طبعه الناس عارفته
كل شي يتغير أشوفه إنت ذاك إنته ...شفتك إنت و شخص غيرك آني ما شفته
شــفــتــك أمــيــري...عــرشــك ضــمــيـري
يـالـغـالـي أهـواك...مـا أقـدر أنـسـاك ...و بـكـيـفـك إنته

روحـي لو تنساك لحظه قلبي حاسبها ...إنت أجمل كلمه عندي إبجرحي كاتبها
الـدنـيـه لـو مـا إنت بيها محد يحبها ...و إنت يا أول عجيبه من عجايبها
إنــت دلـيـلـي ...ســاكـن دلـيـلـي
يـالـغـالـي بـرجـاك ...مـا أقـدر أنـسـاك ...و بـكـيفك إنته

نسئلكم دعاء بحق الزهراء علية السلام
الشاعر السيد عبدالخالق المحنّه

منقول