[ناصر حيدر]

بمولد بقية الله الاعظم يجب علينا الفرح ولكن الحزن قد ملأ القلب فلم يجدالفرح فيه مكان ليستريح
ياعلي جم وجم ورثت لابنك المهدي هموم
من يوم فقد النبي (ص) وانكلبت الكوم(القوم_ الاصحاب)
وكسر ضلع بنته الزهرة وقبرهه المعدوم ( المختفي)
وحق الامامة الذي ضاع بحقد ولوم(لؤم)
ومن ربيت الناكث والقاسط والمارق بسيفك الموسوم
اجت طبرة المحراب وتجدد علينا الحزن كل يوم
وشهادة الحسن بالسم وياريت جان لجعدة الزقوم
وابنك الحسين طريح بكربلة وبالخيل جسمه مهشوم
لو السجاد مكيد (مقيد) على طول طريق الشوم (الشآم)
ماشفع للباقر والصادق من القتل من نشروا ذيج العلوم
وكبر الجواد ببغداد ويه جده موسى المكظوم ( الكاظم)
وعلي الرضا غريب بطوس وعندك علوم( خبره)
والعسكريان حتى بالكبر( بالقبر) ماخلصو من حاقد مسموم
عجل علينا يبو صالح من كلب (قلب) ملجوم
لو طال علي الدهر مااظن نبضات الكلب تدوم
ياسيدي يامولاي يايبو صالح يمتة الظهور والقدر المحتوم ؟
مو خلّص الدهر ساعاته وأيامه يوم بيوم
هم علينه الفجر يلوّح ويزيح كل هاي الغموم
غير الباري ماعدنه ونترجاك ياحي ياقيوم
ماأكول (لاأقول ) غير نشف الدمع بعيونه وصرنه أيتام كوم كوم ( مجموعات كثيرة)
ناصرحيدر