[عمار جبار خضير]

احنه انصار العقيله = بت علي حامي الحمه
لزينب انجدد عهدنه = والولاء انقدمه
صرختي في كربلاء = بوجوه الادعياء
يا حوراء يا حوراء
--------
لزينب الحرّه الأبية هالحنــــــــــــــــــــاجر هادره
يا عقيلة بني هاشـــــــــــــــــــــــــم يلي دومــــــــچ صـــــابره
انتي بركان ويزلـــــــــــــــــــــــــــــــزل للطغـــــــــــــــــــــــــــــاة الجائره
وانتي من صبرچ عرفنه هالعقيده الغانمه
مبدأي والانتماء = بوجوه الادعياء
يا حوراء يا حوراء
--------
ابد يا بنت الزچيه ابد جرحچ ما يطيب
واحنه من نزلت دمعتچ يوم عاشور الرهيب
تحركت بينه المشاعر نار تسعر باللهيب
آه يابنت النبوه ويا سليلة فاطمه
انه عهد الوفاء = بوجوه الادعياء
يا حوراء يا حوراء
--------=
نذكر بعاشور صبرچ انتي يا بنت الهداة
يوم لحسينچ نظرتي بالعيون الدامعات
وصحتي ياربي تقبل فوگ تل التضحيات
لجسم ابو اليمه حملتي وروحچ المتألمه
وقفة تحكي الإباء = بوجوه الادعياء
يا حوراء يا حوراء
--------=


شفتي يا زينب اخوتچ بالطفوف امذبحين
والگمر عين الطليعه لا يسار ولا يمين
وعالهزل رحتي سبيه وعالرمح راس الحسين
من عواسلهم يعاين مهجتچ متحطمه
شاهقا نحو السماء = بوجوه الادعياء
يا حوراء يا حوراء
--------=
بگلب كل حر وموالي نار حزنچ تستعر
وثار خدرچ يالعقيله نطالب ليوم الحشر
ويبقى يوم الغاضريه كلف بينه اشما يمر
بيه طاح حسين ظامي مخضب بفيض الدمه
ثورةٌ هذي الدماء = بوجوه الادعياء
يا حوراء يا حوراء
--------=
من نزور حسين ننظر دمعتچ فوگ الضريح
تلوح لليعرف مقامچ وگلبه متيقن صحيح
ونسمع الونه التنادي خويه يبن امي الذبيح
ويه آذان المناير ترتفع صوب السمه
وبقى هذا النداء = بوجوه الادعياء
يا حوراء يا حوراء
--------=
عمار جبار خضير