[وابتولاه]

كلّ ما حنّ قلب موالي نسمع منّه عتاب
كلّ ما انذكر وتجّلى قدّامه المصاب
وقالوا له الزّهرا انعصرت من ورا الباب
وانلطمت ومحسن سقط على اﻷعتاب
هالموالي قلبه يذووب وينفطر
وتسمعه يصرخ يا زهرا من القهر
على مصابك ما عدت أحمل صبر
أرد أوصلك دلّيني على القبر


ظلّ الموالي بحيرة وحسرة على الضلع
وغفت عينه وهيّه غرقانة بدمع
وسمع بمنامه صوت يناديه استمع
أنا الـ تسمّوني قبر البتولة اجيتك
إجيت اشتكيلك يا موالي وأريدك توصّل الشكوى
لكلّ موالي ناداني لمّن حضرته البلوى
شلوون تريدوني أظهر بشكل أي مثوى؟
وأنا ما أحمل صفات القبر وﻻ تقاسيمه

أنا ضامم مخزن سرّ الله تحت الثرى
أنا ضمّيت معدن العلم ومشكاة منوّرة
نور الله بجﻼله وحجّته وكوثره
أنا ضمّيت البضعة مهجة طه وحيدره
ضمّيت بدن أمّ اﻷئمة بتولة مطهّرة
لقب القبر الـ تنادوني بيه شلون أتصوّره


أنا الجنّة الموعود بيها يا موالي
جنّة لكن ولا يوم مرتاح بالي
ﻷنّي مثلك منتظر طول اللّيالي
ﻻبن فاطمة يقوم ولضلعها يثأر


اللهم عجّل لوليّك الفرج والنصر والعافية
وامنن علينا برضاه ورضا البضعة الطاهرة
وعجل الله ظهور قبرها وثبتنا على حبها
وجعلنا من خدم خدمها