[ابومحسد]

في عيد الفطر المبارك والعراق ينزف شعبه دما ... اللهم عجل لوليك الفرج

هها يبني
هايبني....... الزمان اهواي دولبني
هايبني..... الزمان اهواي تعبني
هايبني.....العراقي ينجرح آنه انجرح ويّاه
اشلون وهالنزيف الجّاري دمّرني
هايبني ,,,,منّي اتعلمتْ كلهه شعوب الكون
وآنه ابن الحضارة الضيم كَاتلني
هايبني ,,,,, دشوف اتقدّمت بلدان جانت كَاع!
وآنه القهر ياويلاه أخّرني
منّي أوّل مسّله السَّنتْ القانونْ
وحروفْ الكتابة والعِلمْ منّي
إغركَتْ مابين بحر الدّم!
دَكَوم وشلّه الذرعانْ ويّه إخْوِتِكْ طَلّعني
ارض الأنبياء او كَاعي اشرفْ كَاعْ
اوقانون التسّامح هوّ يجمعني
او كَاعي اتشرفت بيهه علي الكَرّارْ
او حسين الذّي عل الثورة علّمني
ها يبني .. عمت عين الزمان شكثر ظالمني
العراق آنه اتعبت يمته تفرّحني
عليه اتكالبت كلهه ذئاب الشر
يبني تريد تنهشني
بعدني بثوب حزني يبني اجاني العيد
وانه بكل عيد اهل الغدرتفجعني
ابو محسد النجفي