[سليلة حيدرة الكرار]

السلام على جوهرة العصمة وفريدة الرحمة سيدتنا ومولاتنا الزهراء وأبيها وبعلها وبنيها والسر المستودع فيها
اللهم صل على محمد وآل محمد وعجل فرجهم بظهور قائمهم والعن أعدائهم لعنة دائمة إلى يوم الدين

فجعنه البين بمصابك وحق حيدر علي الكرار
وحق الطاهرة امنه وحق حسين والمختار

وحق الحسن ومصابه وحق ذاك البطل عباس
عزائك ما نمل منه ولا نهجع يبو النوماس
خلي اللي يلوم يلوم خلي تلوم كل الناس
فكدنا اليوم خيمتنا عكبة وحشة هاي الدار

على الصادق تون روحي وتجر حسرة بأثر حسرة
ودمع العين وشلته عصرتة وما بكت كطرة
اريد ابجي فصوص العين لو طاحت فده العترة
مو بس عيني افديها انا كلي فده الاطهار

وجت بالكلب نيران بمصابك يصادقنه
ولطمنه اعله الصدر والراس وع الهامات طبرنه
والك هذا العزاء بكل عام ينعاد بضمايرنه
مو بس الضماير لا حتى بعالم الافكار

شمعة انطفت واحنا بليل كلي شلون ندارك
ضوانا انته وغبت عنا وبجة كل كتر من دارك
اقسى من الجمر بعدك علينا بيوم المفارك
على فركاك ون ليلي وناح الفلك والاقمار

سكف البيت طاح اليوم وانهد ركن من ديني
وشمسنا الزاهيه غابت اجت ليه تواسيني
تكلي نوري غاب اليوم شعجب بس كلي ناسيني
ناسيني ورحت لاوين وليش انكطعت الاخبار

اهات وحزن والام والله بكلبي ع الغالي
يليل شما كصيت وياي يبقى برسمي وبالي
انا الفاكد ابو ياناس والله يعلم بحالي
الاهي الكون هو اعلم ويدري بكلبي تسعر نار

كلي بيا لحن ارثيك وبيا بحر اكتبلك
بيش ابحر وهي البحور تون وبحركة تلطملك
وقلمنه يمد قوافيه نعي واحزان يكتبلك
وشما نكتب ومنكول ابد منوفي بالاشعار

للشاعر ستار الدراجي
نسألكم الدعاء لنا ولوالدينا