[منتظرة المهدي]

يالرايد تزور الزهراء




أذا رايـد تزور الزهره تلكاهه * يـم منحر أبوالسجاد ضنواهه




يالرايـد تـزور أم الحسن وحسيـن
ومـا تنـدل كبـرهـه وتكصده لاويــــن
لحسين عتني ويم نحره أجري العين
مصـاب حسيـن حتـى الكسـر نساهــه



منزور المنحر وعيني عليه أتصد
جنـي بنصـه أشوفـن فاطمـه تكعـــــد
وأشوف بنص حظنهه حسين متمدد
بــلا راس وتنعـي الضيـم بلـواهــــه



عله بلواهه تنعـي وتجذب الحسره
وتصب دموعهــه عشره بأثر عشره
وبالدمعـات تغسل دم البنحـــــــره
وصـار النـوح عالمظلـــوم سلواهــه



سلواهـــه تشوفـه أمـــدد ودامــي
وغريـب ومنذبـح يــم النهــر ضامــي
وراسه أعله الرمح ينظرله كل شامي
وبراسـه الشريـف أتشمتــت أعداهــــه



نست حته الكسر والضلع والبسمار
وكلبهه بنحر أبنهـه مدولب ومحتــار
تتاني المهدي يظهر يـاخذلهـه الثـار
من اللـي تجراء يذبـح ضناهــــــــــه

وأشوفن جن عيون الزهـره تتجاره
وبيـن هـواي أمـور اليـوم محتــــاره
بحظنهـه تضمـه لــــو تتلكـه زواره
تحيرت مـــا درت لاويــن منـواهــه

محتاره تضل أتنعـي يـم حسيـــــن
لـــو تستقبــل الــــزوار المعـزيـــن
لــو تكصـد لعـد أمكطــع الجفيــن
لـو تتلكـه زينب والأجـه ويـاهــــــه