|
|
عضو
|
|
|
|
|
|
|
|
|
|
|
|
|
المستوى : 
|
|
|
|
|
|
كاتب الموضوع :
ابو احمد النجفي
المنتدى :
ميزان المنبر الحر
بتاريخ : 02-Dec-2008 الساعة : 11:22 AM
اللهم صل على محمد
وآل محمد وعجل فرجهم والعن أعدائهم
بعد ماحاجه يذبح بينا الافغاني
ولا عبوه بدرب يزرع لي جيراني
ولا يدخل يهودي ولا امريكاني
احنا اخوان واحد يذبح الثاني
بير التفرقه حفرته الامريكان
وادري وماطحت بس هوه جراني
خمس سنين يذبح وانا راسي بجيس
وبجنطه الجسد وبجنطه ذرعاني
جبت عمرك حكم بسك بعد شتريد
تضل ابن القصر وابن الكصب اني
وتضل انت العجل وانا اليول للموت
واضل بلا اظافر وانت سجاني
وتضل البصره عاجر وام ولد تكريت
وتضل تنكل حطب لديالى ميساني
وتضل ويالعرب واخواني ذولي اتكول
ويسألونك علي واتكلهم ايراني
باوع على اخوانك بيه شيسوون
وشوف اشلون اخوك ايرجع احساني
يعوف اختي بعبوته مكشفه على الكاع
يتفرج عليها القاصي والداني
وانا الكل اعربيه اتكشفت هديت
اغطيها بقميصي والبس الثاني
من هدو عليك وطبو العمان
ماكلتلك اختك هذا غطاني
وانا لوما شريف اليوم اطب اردود
وانزعهن واكلهن ذني قمصاني
عمر اعلف عليكم والشعب جوعان
ويلوموني واكلهم ذولي فرساني
تالي اتهد علي واحصاني ميت جوع
والله اتندمت لو عالف احصاني
لامريكا شلع كلكم حنيتو الراس
وعذرتو ارواحكم واتعيرت اني
انا صح دنكت كدام الامريكان
ولكن دنكت شديت قيطاني
================================
القصيده للشاعر-- نائل المظفر-- اخترت منها هذه القاطع
سلامي الى كل العراقيين في داخل العراق وخارجه وبدون استثناء
يامن تسري بدمائكم روح الوطنيه وحب العراق
كفانا صراخا وعويل وكفانا نستمع الى هذا وذاك ولننتبه الى مايريده بنا اعدائنا
مع فائق الشكر عذرا للاخطاء الاملائيه ان وجدت
| |
|
|
|
|