[منتظرة المهدي]

اللهم صلى على محمد وآل محمد وعجل فرجهم

للأديب جابر الكاظمي



اول شهر بالسنة ايصادف محرّم لمن ذكرته القلب هاج وتألم



هذا شهر للسنة الهجرية مدخــل عن معرفة وعن دراسة القلم سجل
احداث هذا الشهر من يوم الاول يـــــوم اللي تاريخ الاسلامي تنظم



بالثاني من هالشهر تبدي الرزية صادف وصول السبط للغاضرية
نوَّخ رحال الليوث الهاشميــــــة وبهـــــالارض للاهل شيَّيد مخيَّم



والسابع ابهالشــهر يوم الفجيعــــه ابجيش آل اميه انحجب وجه الوسيعه
من كل كتر طو گوا ماي الشريعه جمــــر العطش من بده السابع تضرم



وبيــــــوم تاسع تمــــــر ليلة نوايب ليلة وداع الحرم ويّــــــه الغوالب
فجر الحرب لو بزغ تصبح غرايب دمعة وداع الاهل صارت تهل دم



عاشر محرّم صبح يوم الرزايه كلّ الهواشم هوت بالطف ضحايه
وسبط النبي اتغسّل ابدمّ المنايه راسه انقطع والجسم منه تهشــــم



حادي عشر بالحزن ما صح نظيره عيله محمــــّد غريبه ومستحيره
عافت اهلها ومشت عنهم يسيــــره وحادي الظعن لليسر ظعنه تولَّم



ثالث عشر فجَّر ادموعي ابجفنها اذكر جثث بالترب اصبح چفنها
للطف حضر زين العباد ودفنهــا عجبـــه گدر يدفن الجسمه تخذَّم



والدمعه بالخامس وعشرين اهلها مهجة علي زين العباد ابعللهـــــا
متغيبه وروحه وافاها أجلهــــــــا نحبه انگضه وللگبر جسمه تسلَّم


السلام عليك يا أبا عبد الله