[خادمة الائمه]

عمت عين اللي ما يبجي على احسين
شعر:فاديا الخفاجي

عِمَتْ عين إللي ما يبجي على احسين*ولا قدَّر مـُصابـَه إب دَمعـَه بالعين
لـَهيب اُونار في قلب إلموالين*أبـَد ماتنطفي إليوم إل قيامـَة
جَحيم إتلوح يل باعوا كلامه
مات إحسين مظلوم
ضامي إمحَمَّل إهموم
عِتِرتـَه اتـْيـَتـِّمَتْ بَعد إلوَلي إلغاب
عِمَتْ عين إللي ما يبجي على إحسين
*****
حُسين إل ضحـَّى لجل إيقيم دينه*وانطه إمن الوِلِد حتى جَنينـَه
صَحْبـَة ...اخوان...كِل هاذي إلضِّعينـَه* نِهايَتـْهَه انـْذِبَح ...نَحرَه عَلامه
جَحيم إتلوح يل باعوا كلامه
مات إحسين مظلوم
ضامي إمحَمَّل إهموم
عِتِرتـَه اتيـَتـِّمَتْ بَعد إلوَلي إلغاب
عِمَتْ عين إللي ما يبجي على إحسين
*****
همـَّه إيعـَدِّل الاُمـَّة إبْ مـُصابه*باع إلدِنيـَة لله وَي شـَبابَه
اُوصار إدْماه للغـُرَّه خِضابـَه* تاليهه الكُتـُب سَجْلـَتْ مـَلامـَه(يلومونه ع لخروجه على يزيد!!!)
جَحيم إتلوح يل باعوا كلامه
مات إحسين مظلوم
ضامي إمحَمَّل إهموم
عِتِرتـَه اتيـَتـِّمَتْ بَعد إلوَلي إلغاب
عِمَتْ عين إللي ما يبجي على إحسين
*****
لا راد إلحـُكُم..لا وَالرِّياسـَة* بَس للدين يـِعْدِلـَّه أساسَه
دَزّولـَه الكـُتـُبْ كُلهَه حـَماسة*تاليتـَه انـْغِدَر ..صَدَّوا لـِمامَه(نكروا امامته ع)
جَحيم إتلوح يل باعوا كلامه
مات إحسين مظلوم
ضامي إمحَمَّل إهموم
عِتِرتـَه اتيـَتـِّمَتْ بَعد إلوَلي إلغاب
عِمَتْ عين إللي ما يبجي على إحسين
************
كال إحسين (ذاك إيْزيد خَمـَّار* فاسق فاجِرْ اُويفجُر إب إصرار
خَيـَّر بين ذِلـَّه ..إتجُرني كُفـَّار* لو سِلـَّه ..وَأريد أكضي إب كـَرامَه)
جَحيم إتلوح يل باعوا كلامه
مات إحسين مظلوم
ضامي إمحَمَّل إهموم
عِتِرتـَه اتيـَتـِّمَتْ بَعد إلوَلي إلغاب
عِمَتْ عين إللي ما يبجي على إحسين
********
كِتلوه وِلـْد اُمـَيـَّه الماعِرَفْ دين*إلحايـِر بالسُكُر وَيـَّه النِساوين
فِجعوا قـَلبْ إمامي... وَيلي يَحسين*اوصارَت عِتـْرَتْ أحمد بَس يـِتامـَه
جَحيم إتلوح يل باعوا كلامه
مات إحسين مظلوم
ضامي إمحَمَّل إهموم
عِتِرتـَه اتيـَتـِّمَتْ بَعد إلوَلي إلغاب
عِمَتْ عين إللي ما يبجي على إحسين