[خادمة الائمه]

يحسين ..مو اسمك حسين
شعر:فاديا الخفاجي
ثلاثه زوار شباب وقفوا قرب ضريح الحسين ع,وتناقشوا حول معنى اسم الحسين ع والام يرمز...ثم بدأوا يجيبون لكن..كلٌ على ما يشعر به..
فقال الشاب الاول:
يَحسين... مو اسمك حُسين..إحسين يعني الرايه..
.وإشماتـِكون إنتـَه الاصِل ...يابو سفن لِهـْدايه
جـَيناك يوم الاربعين إمنْ إلبُعـِد مـَشـَّايه
مَيهـِمنـَه نـُقتـَل.. والمُهـِمْ بولايـِتـَكْ نـِتـْطـَهَّر
---
وقال الشاب الثاني:
يَحسين ...مو إسمَك حُسين..إحسين يعني الايمان
ونته الرُّكـُنْ يـَلْ لـَجْلـَه رَبَّك قام دين الإنسان
مِنـَّك يَنور الانبياء آدم خُلـِقْ وإلأكوان
يَعني يَبـِنْ قـُرطْ إلعَرِشْ من تُربـَك آنه إمصَوَّر
---
وقال الشاب الثالث:
يَحسين... مو إسمـَك حُسين...إحسين يعني الثورة
بركان نارَه إمْحَبـِّتـَكْ.. وإلكـُل قـَلـُب دَيـْسَورَه
دستور عـِشقـَكْ نِحـْتـَتـَه اُورِسْمـَتْ ضَريح إينـَورَه
والله قليل أبجي إلدَّمِع وَألطـُم لـَطـُم وَأتـْطـَبـَّر
---
ثم التفت الثلاثة نحو الضريح وقالوا:
من حـَقنه يبن المصطفى أنْ نِهتـِفْ إنـَّك دَمنـَه(دم كل الشهداء والمؤمنين)
اُومِنْ حـَقنـَه نِرفـَعْ رايـِتـَكْ وإنكول إنتـَه الجَنـَّة
تـُربَه اُودِماك إنـْخـِلـْطـَنْ اُوصارَتْ سِجود اُوحـِنـَّه
حـَنـِّينـَه حتـَّى إنثور إلـَكْ وَيَّه إلوَلي أليـِتنـَطـَّر
خلـِّينـَه نورَكْ نـِقتـِبـِسْ مِنـَّه الضُوَه إليهدينـَه
صِرتْ إنتـَه مَركـَبْ للنجاة ..للجـَنـَّه تـِسرِعْ بينـَه
ياضامي يوم إلآخـِرَه .. إنتـَه اللي حـَتـْرَوِّينـَه
ما جـِنـَّه في طـَفـَّكْ ..ولاكن للثأر نـِتحـَضَّر