[mowalia_5]

بسم الله الرحمن الرحيم
الحمدالله رب العالمين والصلاة على محمد واله الطاهرين واللعن الدائم على اعدائهم اجمعين ..

إلى كل موالي ومواليه هائمين بعشق المولى عليّ صلوات الله عليه والى كل من يستذوق القصائد والابيات الشعرية ..
انقل لكم هذه القصيدة التي عبّر الشاعر فيها عن مدى عشقه وهيامه لمولانا عليّ صلوات الله عليه , وفد اعجبتي الصور الشعرية التي صوّر بها الشاعر هذا العشق لبساطتها وصدقها وعفويتها ..


حب علي..
*******

اسرار ما عندي ابد صح العشگ بي اسرار

و ادري اليطب درب العشگ تتبدل اطواره اطوار

يسهر يدخن يحترگ و مرات يبچي و ينهار

و مرات يخفي محبته عن صاحبه و عن الجار

و انا لمن دگني العشگ سمّّّعت كل السمار

مو تونّي مر بيه الهوه بعاشر ظهر صار الصار

لا خايف و لا مستحي و اعلنهه نغمه بمزمار

يا هو اليصدني لو گلت حبيت حماي الجار

و اعترف عجبه امحبتي اليسمعهه يمكن يحتار

مو عشگ قيس و عنتره الاسمعنه عنهه الاخبار

ما غار من واحد لوّّّّّّنّ حب ولفي صدّگ ما غار

خلي اليحبونه الف ...مليون ..خلهم مليار

اول محب لصاحبي كان النبي المختار

غذاه من علمه علم و انطاه من نوره انوار

و ينتظره والد للولد و يگدره اشبار اشبار

ها كبر..ها اصبح رجل باچر يرد الكفار

من شب علي بيده النبي سلّّّّّّمه السيف الفقار

و بعد النبي حبوا علي الاشتر و موسى و عمار

و هوايه ذابوا بالعشگ و دمهم جره انهار انهار

مو عن بطر هذا الهوه امحير عقول كبار

و لا هي عواطف ثائره و يبرد لون مشكل صار

جينات وي دمنه علي و نظل نحبه بأصرار

بي طلسم ما ينفهم سر ما تحله الافكار

سر الحمامه البيضت و اطردت شر الاشرار

كالعنكبوت الي نسج بيته على بيبان الغار

الحبوا علي و بيت النبي و صاروا لذريته انصار

تسهل عليهم بالحشر و لا تمس جثتهم نار

الشاعر

هاشم جعاز السماوي



((جينات وي دمنه علي و نظل نحبه بأصرار))...!!



يااااعليييييييي......

( أحب الشعراء ولست منهم ) ...