[خادمة العباس (ع)]

(عتاب مع قبر الزهراء)


--------------------------------------


يا كبر الزجيه نحمل اعتــــــاب


رسمك ليش غايب عن الاحباب


ما ردنه مناير لو صحن لو باب


ردنه اشما يصح لو حفنة اتراب


*******************


انشدك ليش ظــــــالم يا دهرهه


أهـي اشافت المظلومة ابعمرهه


مـــــــا يكفيك محسنهه وكسرهه


تضيّع اعله المحب شوفة كبرهه


*******************


يم حسين يــــــا ام الامـامه


كبرج ليش ما يحمل علامه


نريد انوح يم عتبة مقــــامة


ونشجيله الهظم مثل اليتامه


*****************



(بعد رجوع امير المؤمنين من دفن الزهراء)


ينوح اويــاي ليل الهم ونيمه (ونجمه)


ولون حسين حن كلبه ونيمه (وآنه يمه)

أظــل اشــمـا أهـودلـــه ونيمه

يفز وصاح وين امي الزجية


*******************


شبيهه الدار مـــا تهجع علمهه


واشاهد للارض محني علمهه


أثـــاري زينب اتنـــاشد علمهه


تون بَاعتابهه صبح ومسيه


**********************

تِـــــلاكت آه ويــــّه الآه يم آه

وبــــاب الدار أحسّن جنت يماه


اسمعت محسن نده من طاح يماه


كسر كلبي الضلع كبل المنيه


*************************


زينب والزمـــان ايريد ظُلماي


بجيت ومـا أظن بالعين ظلماي


تشيعون الشمس بالليـل ظلماي


بعد مامش صبح عكب الزجيه


*************************


الدهر ما بيه كل رحمه وإنصاح


الصحيح اليوم مـا يسلم وإن صح


بالدار ام حسن صـاحوا وإن صاح


منهه ما صحه ضلع الزجيه


***********************