[منتظرة المهدي]

اللهم صلى على محمد وآل محمد وعجل فرجهم واللعن عدوهم .


آه يا شوق ألما يبارح دمعي ألي يسيل
مشتعل مثل النجــــــوم أبهدوة الليل

آنه عاشق وأليحب احسيـن معـــــــذور
يا جرف يقدر يجابه لو هوى السيل


لا تلومــــــــون قلبـي أونحيبه قلبي معذور يبجي ألحبيبه

حقها تشتاق روحي الغريبة قصة الشـــوق راسك تشيبه

قلبي لو يهوى أويحب ما يعرف أيخون
وآنــــه قلبي أمن المهد بحسين مفتون

آنه من أذكر حبيبي أتطيـــــح الدمـــوع
يمكن أبشوف الحبيب أتطيح العيون


* * *


عذب الناس نوحي أو ونيني مثــــل الطيــور صايـــر حنيني

يـــــرهب الليل كلما يجيني ألشوف الأحباب مشبوحة عيني

العين من كثر الدموع أتعــــذر الـماي
آنــــــه لو يعقوب حاضر يبجي وياي

آنه من كثر العشق بحسيـــــــن جنيت
آنـــه وارث عـــــابس أبدمعات عيناي


* * *


بجـــى الدموع شوقي أوحناني وانته حاشاك قلبك نساني

ابشاطي الدموع حبك رماني اوصـار الفـراق دمعة زماني

يدري ألي يفارق حبيبه أبنار الأشــواق
وأليـــــحب أشلون يحمل هـــذا الفراق

طبع ألي يفارق حبيبي أيعيش مجروح
أشلون لو جان القلب لحسين مشتاق


* * *


مثل النجوم ظل جفني صاحي ريــت الدموع داوت جراحي

تبـــدي الهموم لو طر صبــــاحي طير والشوق كسر جناحي

قلبي من يذكر حبيب أتهل دمه العين
روحي ما أدريها جابت هالوفا امنين

بالهوى العذر أسمعت مجنـون العقول
وآنه عـــــدّيت الجنون أبحبي لحسين


آه يا شوق ألما يبارح دمعي ألي يسيل
مشتعل مثل النجــــــوم أبهدوة الليل

آنه عاشق وأليحب احسيـن معـــــــذور
يا جرف يقدر يجابه لو هوى السيل