[الكرباسي]

بسم الله الرحمن الرحيم


قصيدة الى سيدتي ومولاتي فاطمة الزهراء


راحت أمنه.....................منهو يمنه


يمه وحدنه بقينه...........................................نن تظر بلجن تجينه


راحت امنه .............منهو يمنه



ماشفت نعشج ييمه ......................أسأل وماكو جواب


اندبج مجاوبيني........................ياحنينه كلبي ذاب



حسين يصرخ ماتت امنه ......................ونورها ياخويه غاب


والحسن يمه يكلج................................ بعدج أنعيش بعذاب


يمه يمه .....................أحلى كلمه


منهو اليشفج علينه......... .........من بعد عين الحنينه


يمه ذبنه ..................منهو يمنه


يمه لو شفتي وضعنه.....................................أربعتنه بس ننوح


يكلي خويه نامت أمنه.....................................لو بعدما بيهه روح


وين حيدر خل يحضر............................دوره ياخويه وليه روح


لمسجده يمه أعتناله......................ودمعته بعينه تلوح


ماتت أمنه ..........................ياهضمنه


روحه غابت يمه حيدر..................كلبه يايمه تفطر


وانفجعنه...................منهو يمنه


.......................


يمه حيدر من أجانه...............................شفته يا يمه وبجيت


كعد يمج يشكي همه.............................وحدي يازهرة بقيت


رحتي يازهره وخلصتي.............................بفركتج يمه ابتليت


عا لعهد انه يازهره ..............خبري الهادي شلكيت


يدري راحت..................واستراحت


يساعده الله يزهره.....................منهو يحمل يمه قهره


وانهضمنه ..................منهو يمنه


..................................


تسأل الوادم يزهره.............يمته تشيع البتول


الاول الثاني اجونه..........................الألمو كلب الرسول


حيدر أتذكروصيتج ............لا يحضروني هذول


علتج همه سببه........................ من اذكرت عشت الذهول


يافرحهم........ ..ظلت الهم


حققوا يمه المهم...............ضاكت الدنيا بحزبهم


وانكسرنه...........منهو يمنه


.....................


يمه نشيع اليودع.........................دنيته أجر وثواب


تحضر الوادم تشيعه..........................نواسي اهله بهلمصاب


لياسبب نعشج ييمه ..........................شيعوه أثمن صحاب


شيعتج يمه تناشد..........................تريد يازهره الجواب


انتي ردتي..................انتي كلتي


بليل نعشي تشيعونه.......................ذوله بس البايعونه


وانصدعنه ....................منهو يمنه


.................................................


وحشه دارج بس تندبج.............ومابقت بيه حياة


جنتي شمعتها التضوي...................................وطفت بيد النايبات


ظلمه يا يمه ومغبره............................مخيم اعليها الممات


بدفعة الباب اهدموها...........................وهذي أفعال الطغات


محنونه...........مرمرونه


بكربله يمه انفجعنه...........يجري دمنه وي دمعنه


راحت امنه...........منهو يمنه