[نور العتره]

بسم اللة الرحمن الرحيم و بة نستعين
و الصلاة و السلام على أشرف الخلق محمد
وآل بيتة الطيبين الطاهرين

كل عام و أنتم بالف خير

في شهر رمضان بيكون الوقت كتير ضيق علشان كدة بنحاول نختار أنواع من الطعام سهلة و شهية في نفس الوقت
و انا أخترت لكم لحمة مشوية في الفرن و يارب تعجبكم
الكمية تكفي ل 6 اشخاص
وقت التحضير 30 دقيقة

ريش بالبصل والكرفس
المقادير

ملح و فلفل
كيلو و نصف ريش يعنى ( ضلوع )
للتتبيل
بصلة كبيرة مقطعة قطع صغير
شوية كرفس مقطع قطع صغيرة
2 ملعقة سمن
نصف كوب عصير طماطم
2 ملعقة كبير خل و يا ريت خل التفاح
2 ملعقة طعام عسل نحل أو sirap
و نقدر نقدم معها بطاطس مسلوق نصف سلق ثم تحمر مع شوية سمن أو بطاطس بيورية أو
و خضار سوتية أو معكرونة
الطريقة
أبدائى بتحضير التتبيلة و ذلك بوضع معلقتين السمن فى مقلاة و أضيفي البصل و قلبى حتى يزبل البصل ثم اضيفى الكرفس وقلبى شوية ثم أضيفى صلصة الطماطم و الخل و ال sirap و دعي الخليط يغلي بضعة دقائق
أعملي شقوق بالسكينة في قطعة اللحم و أدهنيها بالملح و الفلفل و ضعيها في صينية الفرن و أدهنيها بمقدار من الخليط ثم ضعيها في الفرن على درجة حرارة 175من ساعة لساعة و نصف أو حتى تنضج لأن النضج يتوقف علي سمك قطعة اللحم و حجم القطعة
أقلبي قطعة اللحم من وقت لأخر أثناء الشوي مع دهنها بما تبقى من صوص التتبيلة
توضع في طبق التقديم و تزين حسب الرغبة

و بالهنا و الشفاء

ورد في أحاديث الأئمة صلوات اللة وسلامة عليهم أجمعين عن أستحباب قرأة هذا الدعاء قبل الطعام

( بسم اللة لا يضر مع أسمة سم و لا داء وفية شفاء من كل الأسواء )