[الامين]

يالهادي يالهادي
جانت كبتك واحه تلوذ الوادم أبفيهه

ولو ارخى سدوله الليل لاح على البعد ضيهه

جانت للفكر عنوان يهدي عقول المتيهه

سامره اصبحت جالعين وهيه الصارت اصبيهه

اذانه ؟اذانه ؟هذا الجرم ؟اذانه

لزيارتك ؟منعونهه ؟وعين الامل طفوهه

أحنه بنار يالهادي

يالهادي بزمان الفات جنه الحظرتك نكصد

نطوف بروضة الايمان وبدوح الخلد نكعد

اللي يرتل القران واللي يركع ويسجد

واليستغفر الذنبه واللي للولاء ايجدد

حرمونه ؟حرمونه ؟من كل هاي حرمونه

الكبتك هدموهه ؟وعين الامل طفوهه

أحنه بنار يالهادي

جانت من تجي الافواج تكصد ارض سامره

تشاهد لهفت الزوار جن ما زارتك مره

وجنهه كسرت الاغلال وستوهه اصبحت حره

تحس طعم الحياة اجديد ولاجنهه شكثر مُره

فرحانه ؟فرحانه ؟من تزور ؟فرحانه

لاجن اسف غلوهه وعين الامل طفوهه

احنه بنار يالهادي

جانت من تجي الزوار من كل البلاد افواج

كل عام اليمر موسم يشبه موسم الحجاج

تتزاحم الوف االوف مثل ملاطم الامواج

وتنور كلوب الناس من طي نورك الوهاج

الكبتك هدموهه وعين الامل طفوهه

أحنه بنار يالهادي

يالهادي والك بالروح نار المابعد تخمد

ودمعه الفايره بكل عين لا والله فلا تبرد

حزنك لاتظن ننساه يظل كل يوم يتجدد

ولوّن مر عالبقيع سنين البقيع اليوم يتجسد

من ثاني من ثاني البقيع انعاد من ثاني

للارض من ساوهه وعين الامل طفوهه

أحنه بنار يالهادي



تقبلو تحياتي

بقلمي

الامين